كتب د طارق محمود
تصوروا ياسادة ان فعﻻ الحيازات الزراعية مرفوعة مؤقتاً من الخدمة .طب واحد يسألني ويقوللى ازاى . اقوله بسيطة دالوقتى لما واحد ييجى يشتري أرض زراعية من حد تانى و ييجى يروح الجمعية عشان ينقل الحيازة يقولولو موقوفة ولما ييجى يسأل ليه الجواب عشان الحيازة حتبقى (زكية). ياسﻻم يعنى كل احتياجات بقت زكية إلا حاجة واحدة بس وهو البنى آدم .
ماعلينا . وطبعا الموضوع دة حيضر أصحاب الاراضى الجدد ﻻنهم مش حيعرفو يصرفو كيماوى من الجمعيه وبكدة حيشترو من السوق السوداء وتخيلو بقى ياسادة مين اللى حيبعلهم اللى باعلهم الأرض ﻻن الحيازة لسه باسمهم وهما اللى بيصرفوا الكيماوي يعنى طالعين واكلين نازلين واكلين وعلى فكرة المشكلة دى موجودة فى الشرقية واكيد في بعض المحافظات الأخرى. وعشان كدة بخاطب السيد وزير الزراعة لحل هذة المشكلة لرجوع الحق ﻻصحابه مش كدة وﻻ ايه ويجعله عامر (رغم حقد الحاقدين)