بقلم مصطفى سبتة
أنا بعشق بحر الهوى
ونزلت بحر الهوى
لأجلا الاقى البر
ورمانى حب الهوى
لبحار ملانه هم
وركبنا سفن الهوى
عاملين نطوف فى الفرح
عدت على بلاد غريبة
مليها شوق ما تلم
وقلت يا قبطان
نفسى أشوف البر
ضحك لى ضحكة بصوت
قالت لى خاف واتلم
كل البلاد مبليه
وفيها ياما عشاق
فيهااللى مات فى الهوى
وفيهااللى مات مالشوق
وياما صبايا غرقت
فى هواها يا ولداه
لا هى لقت دوا
ولامرسى بان من بعد
وقابلت ياما عشاق
ولا حد فينا أرتاح
منا أللى معاه دواه
لكن النصيب اضناه
ومنااللى دايب صبابة
وحبيبة تاه فى لقاه
ومنهم جريح الهوى
والطب تعبه معاه
وركبنا سفن الهوى
لأجلا نلاقى البر
ونزلنا منها فى يوم
شيلين جبال الصبر
دفنين هوانا دفن
ونسينا كل الهوى
واخدنا كل الهم