لما سلم قلبه ليا
شعر : آسرفاروق طرباي
شاعر الوطن
لما سلم قلبه ليا
لما حلفني بعنيا
إني أصونه وأخاف عليه
كنت فعلا ً مشترية
قلبه كان أمانه عندي
قلت يا هنايا يا سعدي لما أشيله جوه قلبي
وأحتفظ بيه كل عمري
وقدرت أنا احافظ عليه
وبحناني أروي ليه وبعواطفي وأحساستي
أرسم الضحكة ف عينيه
نبضه كان عايش بنبضي
مفترقش ف لحظة عني
كان بيشرب من ضلوعي
دمه كان عايش ف دمي
من يوميها وللنهاردة
قلبه لسه أغلي وردة
لا أتغير قلبي معاه
ولا شاف ف لحظة معاملة جامدة
ولسه ولأخر الزمان
ياما هيشوف مني حنان
مش هتخلي عنه أبداً
هوه جوايا ف أمان
إتبعنا