الاستحمام فى الشتاء

كتب : دكتور فوزي الحبال

الناس اللى بتحب الميه السخنه فى الشتا وتطول تحت الدش او فى البانيو اثناء الاستحمام، لو مش مشغل شفاط فانت بتعرض نفسك للموت المباشر من غير ما تاخد بالك !
المشكله الكبيره ان بخار الماء هيملأ الحمام بسرعه عاليه وهتتنفسه بدل الاوكسجين ، وطبعا طالما محدش كاتم نفسك مش هتحس بخنقه ، لكن مع استمرار تنفس بخار الماء ونقص تدفق الاوكسجين للمخ وبدون اى مقدمات او احساس باي اختناق هيحصل اغماء مباشر .
ولو محدش حس بيك وكسر الباب عليك وغالبا محدش هياخد باله هيستمر تنفس بخار الماء ونقص الاوكسجين وطبعا الوفاه.
فيه مصيبتين كبار بقا عندنا كمصريين
الاولى : هى ان سخانات الغاز معظمها بيركب فى الحمامات ،
وطبعا دى بتشتغل بالإشتعال المباشر ومن هنا تستهلك اوكسجين الحمام كله فى دقايق وسيادتك قافل الباب والشباك وبخار الميه مكثف فاحتمال الوفاه بيزيد .
الثانيه : ان معظم الشقق فيها الحمامات مفتوحه على مناور وشبابيكها قدام شبابيك الجيران فلازم هتقفل الشباك وقت الاستحمام فلا بخار ميه هيخرج ولا اوكسجين هيدخل.
ده بإفتراض يعنى إن هو مصر فيها أوكسجين اساسا.
فالحل الاساسي يا تشغل شفاط أو إنك تقلل الوقت اللى بتاخده فى الاستحمام .
فيا جماعه خدوا بالكم ومتستهتروش ولو عندكم اى حد دخل يستحمى وطول فى الحمام عن تلت ساعه تابعوه اول باول وخبطوا علي الباب عافانا الله واياكم من موت الفجأه وموت الحمام .