بقلم مصطفى سبتة
وقف الحبايب صف
يدعوا بوصل الست
قال العليل : يا ست
قلبي ملوهش طبيب
بمسي علي وصلكم
واصبح كإني غريب
ايه العمل ياست
بصبر علي هجركم
وابكي واقول دا نصيب
فقالت الست : يا محب
تركب لأقرب جاه
تسأل علي المحاسيب
تنده تقول الآه
تلقي الحسين طبيب
قال المحب : ياست
قلبي اصبح بكم مستور
والعقل فيكم تاه
والذل فيكم نور
والقرب ليكوا حياه
فقالت الست : يامحب
وإياك تسيب حيّنا
يوم البعاد بشهور
تلقي هنا جدِّنا
دايما تكون منصور
قال العزول بغرور
قال العزول لهواه
ايه الضريح دا كمان
هي البلد ناقصه
سبوبه للشيعه
واخدينها بمناقصه
ردت عليه الست
ياللي سألت هواك
وبعدت عن سنته
من امتي آل البيت
كانوا بعيد سكّته
بس العمى إن حل
تلقي البصير مكفوف
خليني اقول الحل
عُمر العمى ميشوف