الماركتنج في مصر بعافية
الماركتنج السلبي
الماركتنج في مصر بعافية
كورسات التسويق (الماركتنج) مالية الدنيا في مصر وكتير بيشتغلوا في المجال ده ورغم كده تلاقي الماركتنج في مصر بعافية شويتين.
أسباب فشل الماركتنج
عارفين ليه التسويق(الماركتنج) عندنا ضعيف؟ لأننا بعد ما بندرس إما بنركن العلم على جنب ونستخدم الفهلوة في البيع، أو صاحب المُنتج بيفتكر إنه أنصح من كل الخبراء اللي حطوا قواعد التسويق والنتيجة كارثية لأنه بيعتمد على الفهلوة مش على الأرقام والأبحاث والنتايج ولا على الأسلوب المناسبلكل منتج ويستهدف العميل الصح.
- مثال للماركتنج السلبي
مثلًا من أساسيات الماركتنج في أي مكان في العالم إنك تحافظ على الزبون الدائم لك بعمل عروض وتخفيضات وهدايا خاصة له عشان نضمن ولاؤه ووجوده باستمرار واحتمال جذبه لعملاء جدد، في حين إننا في مصر بنعامله معاملة الزوجة مضمون وموجود وهيروح فين يعني!! - خدمة العملاء مفقودة
كمان ما بنهتمش إننا نسمع شكوة الزبون الدائم أو نتدخل بسرعة لحل مشكلته برضه لأننا ضامنين وجوده لحد ما نتفاجئ إنه سابنا ولجأ لمكان تاني بيقدم مُنتج بجودة عالية وسعر أقل وخدمة ما بعد البيع أفضل والنتيجة خسرنا زبون مهم ده غير إننا خسرنا زباين تانيين كان محتمل يرشحنا لهم. - والنتيجة نبتدي نخسر العملاء واحد بعد التاني وسمعة المنتج تبقى في الأرض بسبب عدم استغلال الماركتنج بطريقة صحيحة.مافيش حاجة اسمها زبون مضمون ده مش ابن خالتك، لازم تفضل تبذل جهدك عشان تحافظ على زباينك وترضيهم وتعرف احتياجاتهم وتلبيها وكمان تستخدم الماركتنج في جذب عملاء جدد وتزودهم مش تخسرهم.
وإلى اللقاء في ملاحظات تانية.
نجلاء لطفي
إتبعنا