عتمة الليل
مشيت ف عتمة الليل
مشيت وانا ليلي طويل
والحظ معايا تملي قليل
والبخت بيا كدا بيميل
شايل ع الكتف هم تقيل
انا اللي بيتقال عليا اصيل
همى صبح غنوة ومواويل
اه علي ده ليل ماله طويل
ملقتش حد معايا اصيل
عرفت ناس منهم اللى عويل
واللي لسانه تملي طويل
وناس ع الأصول بتميل
وناس ولا بتصون اى جميل
اه ياسواد الليل الطويل
دمعي ع الخدود بيسيل
واللي بينكر خيرى ولا بيشيل
بخت وعمال بيا يميل
ببكي وقلبي والله عليل
مش لاقي ف الطب بديل
عيني عليك ياسر يا اصيل
حظك تبقي للحزن ذليل
خليك فاكر ف صبرا جميل
مشيت وانا ليلي طويل
مشيت وانا ليلي طويل
شاعر الجنوب
ياسر محمد ايوب
إتبعنا