بقلم /رشاد الغضبان
الأخوان الارهابيين عملوا هشتاج علي تويتر أسمه أرحل ياسيسي والجزيرة وال bbc فرحانين بيه كأنه ثورة شعبيه !! برغم أنه كالعادة وزي كل مره معظم المشاركين فيه من أعضاء جماعة الأخوان مش بس اللي في مصر لأ ده الأغلبيه من أعضاء الجماعة من جنسيات عربيه يعني تلاقي الأخوانجي سايب كل المشاكل اللي في بلده وداخل يقول لرئيس مصر أرحل علي تويتر !!
نيجي بقي للمهم والكلام موجه لكل أخوانجي بيستغل أي فرصه أو حدث بيحصل في مصر علشان يدخل علي الخط يحرض المصريين :-
مش معني ان المواطن المصري بيشتكي من حاجه معينه أو بيعاني من مشاكل زي الغلاء أنك تستغل ده وتقول لما أدخل أضرب علي الحديد وهو سُخن !!
لان الحديد ده المتمثل في المواطن المصري هينسي ساعتها كل مشاكله وهتلاقيه فجأه أتحول وبقي فولاذ بمجرد مايسمع سيرتك وسيرة جماعتك في أي موضوع وهو اللي هينزل أول واحد يدوس عليك وعلي جماعتك زي ماحصل قبل كده في 30 يونيو بمجرد مايحس بأي خطورة علي بلده
عمرنا ما هننسي الارهاب والبلطجه والرعب اللي عيشتونا فيه ولا ننسي ازمات مرت علينا من قطع كهرباء ووقفتنا في الشارع باليومين والتلاته نبحث عن بنزين وشباب ونساء وشيوخ كانوا بيباتوا في الشارع علشان البنزين ولا عمرنا ننسي الفوضي اللي كنتوا عاملينها في البلد كل جمعه تخرجوا بالطبول والسيوف والملتوف تدمروا انتوا والحراءر بتوعكم البلد وتولعوا وترهبوا الشعب بالقتل والضرب
لن نتخلي عن السيسي مهما حصل كفايه انه انقذنا منكم ومن ارهابكم وتاريخكم يشهد عليكم يا احفاد البنا والماسوني سيد قطب الارهابيين‘‘‘‘
يجب ان يكون لدينا ثقافة اننا يجب ان نتحمل في هذة الظروف العصيبة وانه يجب ان نعلم اننا نحارب اعداء في الداخل والخارج لتفكيك الجيش والسيطرة علي مصر وخرابها وبالتالي الدول العربية ومش الاخوان فاقدي الوطان هما ال هيعيشونا في خير لانهم خراب ودمار ي سوريا وليبيا واليمن ويحاولون عرقلة مصر والتهامها. فنتبهوا من فضلكم!!
