كتب/ ياسر محمد الشريف
شاعر الجنوب
تعبتنا السنين
تعبتنا السنين واحنا مجروحين
القلب ويا العين ولا شافوا يوم
حنين
لفين بس رايحين يا جرحى ودمع السنين
فى ناس باقين طيبين
يمسحوا منى دمع العين
غدرت بيا انا السنين
حتى الناس اللى كنت
فاكرهم حنينين
طلعوا كمان كدابين
كل يوم قلبى حزين
والحزن ساكن من سنين
اخرتها ايه يا قلبى
الحنين
ليه البشر بقوا خاينين
اللى يضحك ف وشى
ضحكتين
واللى يطعن ف ضهرى
طعنتين
واللى يسال دا ابن مين
معرفوش أنى ابن ناس
طيبين
اب وام معايا حنينين
دائما شايلينى جوة
العين
حتى ابويا لما سابنى
ايديا ف ايديه كانوا
شابكين
انا بجد ابن ناس طيبين
تعبتنا السنين واحنا مجروحين
خواطر عن تعب السنين