كتب : الشاعر – ياسر الشريف
إبنك مات
إبنك مات خلاص يا امى
يلى كنتى بتجرى ف دمى
امانه عليكى متبكيش
وف دعاكى متنسنيش
بكاكى مش هيرجعنى
الكل راح يودعنى
والله يا امى هتوحشينى
كنتى ساكنة جوة ف عينى
اوعاكى يوم تنسينى
دايما يامة افتكرينى
احكى عنى مع الجيران
قوليلهم ولدى كان غلبان
لو بايدى مسبكيش
بس ده قدر متحزنيش
كنتى تبصى ف عنيا
تعرفى ايه اللى فيا
رايح لابويا خلاص
جتلك يا اغلى الناس
خلاص يا امى كفنونى
هسيبك وهيدفنونى
خايف يامة عليكى
محدش يسأل فيكى
جتلك بسرعة يابا
خايف على امى من دنيا غلابة
ادعيلنا امانة يامة
ربنا يدينا الرحمة
ابنك مات خلاص يا امى
يلى كنتى بتجرى ف دمى