إحنا مجموعة من الشباب حلمنا وهدفنا نقضي على ظاهرة التشرد في مصر … وكان هدفنا نعملهم دار يعيشوا فيها بكرامة ف الاول نزلنا الشارع ونضفنا الناس ولبسناهم لبس نضيف لحد ما اصبح الحلم حقيقة وربنا قدرنا وبدأنا ناخد الحالات دار مسنين أو ناخد ليهم شقة ايجار لحد ما ربنا يرزقنا بمتبرع لقطعة أرض نبنى عليها مبني كبير لايواء مسنين الشوارع #
واستقبلنا فيه حالات منهم اللي بفضل الله ومساعدة اهل الخير وصلوا لاهلهم عشان يعيشوا باقي حياتهم في سلام ومنهم اللي كان مريض وعالجناه ومنهم اللي مش لاقيينله حد من اهله وفضل عندنا ف الدار … هدفنا السنادي نقضي ع ظاهرة التشرد في شوارع المنصورة كلها وبعد كدا ننتقل لباقي المحافظات نقضي فيها على الظاهرة دي … طب مين صاحب الفكرة دي ؟!
صاحب الفكرة هو علاء النجار مؤسس بداية جديدة للاعمال الخيرية قدر بفضل ربنا انه ينشر فكرة المبادرة بين صاحبه لحد م وصلنا للي احنا فيه …
ناس كتير بتسال احنا بنعمل كدا ليه وبنعرض حياتنا للخطر ليه ؟
فكان جوابنا ان الجنة مش ببلاش وحلمنا ان بلدنا تكون احسن بلد ف الدنيا
وناس بتسالنا احنا محتاجين ايه ؟
احنا محتاجين حاجات كتير قوي … محتاجين الناس كلها تعرفنا وكل واحد يعرف الفريق يعرف غيره بيه عاوزين ننزل اي شارع من شوارع مصر ونقول اننا فريق بداية جديدة للأعمال الخيرية وللإيواء الناس تكون عارفانا وتساعدنا وميكونوش عائق لينا ف اخذ الحالات … ومحتاجين مساعدات لحد ما الحلم يكبر ويغذو مصر بأن #مصر_خالية_من_المتشردين
… محتاجين متطوعين يشاركونا ف اللي بنعمله وينزلوه معانا للحالات ياخدوهم معانا وينضفوهم …من المنصورة أو الأماكن المجاورة
محتاجين دكتور نفسي معنا
العنوان : المنصورة- شارع كلية الدراسات الاسلامية خلف معرض شباب التحرير ..
للتواصل : 01015451535 واتس – 01144303232
رقم المسئول : 01020102816
#مصر_تخلوا_من_المشردين
#بداية_جديدة_للايواء
#يستحقون_الحياة
#انشر_فكرة
#محتاجين_ارض_نبني_عليها_دار_للايواء
في ناس مساهمة بي بناء الأرض واقفين ع توفير قطعة الأرض #من_لها
#كن_للخير_سباق_والدال_ع_الخير_كفاعلة
