الشاعرة : راندا صادق
جارى العزيز
جارى العزيز رحت فين
اصل جيت وسالت عنك
انت ليه من فترة غايب
رحت فين متقول بليز
رحت امريكا و لندن
عشت ويا الانجليز
ولا شفت بنات باريس!!
ولا ايفل فى الميدان
يا سلام يا سيدى على التهييص
ولا زورت بلاد ايطاليا!!
ياريت تجيبلى معاك قميص
طب انت شوفت اثار بلادك
شفت متحف او هاويس
انت فين متقول بليز
وحشنى دق الباب عليا
بالطريقة اللى تغيظ
وحشنى رغى كتير معاك
على الباب و فى الدهليز
متقول بليز
انت يعنى مخبى ليه؟!
هو سر ولا ايه؟!
طب هترجع للقرايب و الصحاب
و الجيرة و الناس العزاز؟!
ياللى كان جواك شفاف زى الازاز
وحشنى يابنى يا اعز من الناس العزاز
بس اقولك انت حر
يعنى من غيرنا يا خى شربت مر
ولا على الدنيا السلام!!
لا فيها عبد ولا فيها حر
بس خليها تمر
ايام تعدى صبح ظهر
يعنى كانت بيك مبتعديش تمر!!
كلمة في الاخر بقولهالك
يابنى ارجع للحبايب و القرايب و الصحاب
يابنى متخليش خيالك يغرق فى السراب
بس فى الاخر اقولك
انت حر