كلمات الشاعرة : آمى عاشور
عصفور غرد ع الأغصان
صحى من عشه.. كان فرحان
ورد اليوم دا موش دبلان
أحمر ومزهزه يا سلام
والسما صافيه مع شموسه
بتقول انا دافيه وعروسه
* أجرى وادخل ف البستان
مع أمى الست ام حنان
فستاني زهرى.. وفيه شخاليل
العب وازمر زمامير *
نسمه.. عبير.. بلونه بطير
أطفال تيجى.. فاديها طراطير
والليل يبعد موش بيقرب
طفله بقى وبحب اجرب دردشه..
زهزهه.. نقش.. . وفرفشه ألوان..
زركشه.. قص.. وخربشه
* اقعد انا تحت الضليله
ورجع تانى يا حليله يا حليله
وعم سليم بيبيع ف الورد
ضحكته.. فرحته موش على حد
فراشات طايرة وجو بديع
أصل اليوم دا بيجى ربيع
وشوارعنا مليانه أشجار
ونسيم وربيع.. شمس نهار
يجى الليل ونلم الورد
الياسمين ريحته على الخد
ودا اليوم من اجمل أيامى
بستناه كنت ف أحلامي
منى بوكيه منقوش بالتل
وورد ابيض فيه عقد الفل
لمصر حبيبتى ست الكل