الشخصية السامة

بقلم/ هبة الله محمد

الشخصية السامة هي شخصية مؤذية من صفاتها شديدة التكبر تتعمد الاذى للغير و كمان شخصية متنمرة و ديماً بتقليل من الآخرين و عندها أنانية مفرطة بيفكروا في نفسهم ومصلحتهم قبل أي حد و عندهم نقد مستمر لغيرهم وحب السيطرة على الآخرين عايزين يتحكموا في كل حاجة وأي حد.
الشخصيات السامة ممكن تكون موجودة حوالينا في الشغل، العلاقات, أو حتى وسط الأصدقاء والعيلة، وغالبًا بتأثر على طاقتنا ونفسيتنا بشكل كبير, فاغلب وجع الناس من الناس واغلب الم الناس من الناس.
عشان كده اتعلم إنك تحط حدود بوعي بينك و بين الناس،فا مش كل اللي حوليك يستحقوا الدخول في حياتك و التأثير فيها .
حاول تتحكم في ردود افعالك مع تقليل التعامل معاهم اذا سمح ذلك حتى تحافظ على صحتك النفسية.