فى عالم أمريكي اسمه جوتمن عمل موديل سماه Gottman Relationship House

بقلم/ هبة الله محمد
و هو عبارة عن بيت مكون من ٧ ادوار حط في كل دور أساس من أسس العلاقات و سند البيت على عمودين و قال إنهيار أحد العمودين يؤدي الى إنهاء العلاقة كاملة و اول عمود فيهم هو الثقة و التاني الالتزام.

الثقة
الثقة يعني الامان يعني شخص اكون مطمنه معاه في جميع الاحوال و اكون متأكد إنه مش هايأذيني و هايفكر فيا و مش هايغدر بيا و مش هايكذب و مش هايخد قرار يضرني. الثقة تُبنى من خلال الأفعال الصغيرة المتكررة زي الوفاء بالوعود و الصراحة و الدعم في كل وقت.

الالتزام
الالتزام بأختصار أني اكون متأكد إنك مش هتسيبني في الوقت الصعب وهتكمل معايا للاخر. الالتزام هنا مش مجرد وعد و لكن سلوك يومي يظهر في القرارات والأفعال و حتى وقت الخلاف نحاول نصلح مش نلجأ لأسهل حل و هو الهروب من المشكلة.

فالعلاقة الناجحة مش معناها مفيش مشاكل، لكن معناها إن عارفين نتجاوز المشاكل و نحل الخلافات بدون ما تأثر على حياة كل طرف في العلاقة.