ما هو مثلث الدراما (Drama Triangle) في علم النفس السلوكي؟
بقلم / هبة الله محمد
هو نموذج في علم النفس وضعه Stephen Karpman وبيشرح لماذا بعض العلاقات أو الخلافات بتفضل تلف في دائرة مغلقة من غير ما تتحل, و هو مكون من ثلاثة اضلع و هو دور الضحية Victim و دور المنقذ Rescuer و دور المهاجم Persecutor
١- دور الضحية Victim
الشخص اللي بيشعر ان كل الناس ضده و مش قادر يغير الواقع و مستني حد ينقذه و بيلوم الناس على كل الاحداث اللي في حياته.
أزاي أتخلص من دور الضحية؟
غير طريقة تفكيرك و بدل ما تسأل ليه ده بيحصلي؟
أسأل نفسك انا أقدر أعمل ايه دلوقتي او ايه اللي في قدر أستطاعتي؟
٢- دور المنقذ Rescuer
المنقذ بيحاول ينقذ الناس حتى لو محدش طلب منه، وبيحس إن قيمته في إنه يساعد الناس و بعد فترة بيتعب من كتر المسؤوليات.
ما هو مثلث الدراما (Drama Triangle) في علم النفس السلوكي؟
غير طريقة تفكيرك أنك تساعد الشخص من غير ما تشيل مسؤوليته، اسأل الشخص أنت شايف ايه الحل؟ او ازاي اقدر ادعمك؟ بدل ما تقوم بكل المهام الشخص بنفسك.
٣- دور الجلاد Persecutor
هو شخص بيعتقد ان التعنيف و اللوم و السيطرة على الاخرين هو افضل طريقة لحل المشكلة.
ازاي أتخلص من دور الجلاد؟
غير طريقة التفكير بأستخدام أسلوب الحوار منطقي يساعد على حل المشكلة بدل لوم و نقد الاخرين مع التركيز على المشكلة بدل من الشخص ذاته حتى نصل إلى افضل النتائج.
الخلاصة
مثلث الدراما مش معناه إن الشخص ضحية أو منقذ أو مهاجم طول حياته لكن كلنا ممكن نقع في أي دور حسب الموقف. الهدف مش إننا نلوم نفسنا لكن إننا نلاحظ أنا دلوقتي بلعب أي دور؟ ولما نعرف الدور نقدر نختار رد الفعل المناسب و الأكثر وعيًا و مسؤولية بدل من التصادم و الصرعات فهم ادوارنا بيحسن من العلاقات و يقلل خلافات.