عقلية ونفسية الندرة

بقلم ـ هبة الله محمد

فى ناس بتتعامل فى العلاقات بعقليةونفسية الندرة و هى إن العلاقة دي سواء صداقة أو ارتباط بشخص ما عمله نادرة مافيش زيها ومفيش بديل.

اللي عايش بعقلية الندرة بيفضل في صراع بين انه خايف بخسر اللي قدامه رغم الأذى اللي بيتعرض له سواء المادي او المعنوي لدرجة إنه بينسى يعيش و يكون عنده قلق مستمر و عدم الرضا عن حياته و رغم كل ده بيفضل مكمل في العلاقة دي بسبب خوفه من الوحدة، وخوفه إنه مايلقاش غيره و كإن الدنيا مقفولة.

اللي عايش بعقلية الندرة دايمًا شايف إن أي خسارة نهاية ومش شايف إن ربنا قادر يعوضه أضعاف مضاعفة و يبدل الحال لحال اخر .

لو انت بتفكر بالطريقة دي لازم تراجع نفسك و اكتر حاجة هاتساعدك انك تعيش بمنزلة اليقين في اللّٰه و إن اللّٰه خزائنه مليان وعطائه وكرمه مالوش حدود.