علي فين
علي فين يا دنيا وخداني
ليه تملي كدا بس معنداني
ما كفاية انا كسرني زماني
واللي باعني ولا اشتراني
انا من الحزن كاسي سقاني
والفرحة دايما كدا مخصماني
يرحم ابويا ع الأصول رباني
معرفش ليه الدنيا ظلماني
فين اهلي وكمان ناسي وخلاني
كله راح ولا حد منهم جاني
قوليلي لفين يا دنيا وخداني
دايما خطوتي للحزن سبقاني
كأنه بينها معاد مع أحزاني
تعبت ولا طبيب يوم دواني
عايش بين الناس وحداني
ربي وحده يعلم باحزاني
علي فين يا دنيا وخداني
ليه تملي كدا بس معنداني
ياسر محمد ايوب
شاعر الجنوب
إتبعنا