ابنك كبر
ابنك كبر وشاب يامة
وراحت الفرحة واللمة
وفاتتني الخالة والعمة
ٱه يانا علي ضمتك يامة
مين غيرك يضم الضمة
مين بس بقا بيرحم يامة
ولا حد يقولي اسم الله
راح ابويا وشوفت الغمة
يارب يطول ف عمرك يامة
يا شايلة ف قلبك الرحمة
كبرت وشعري شاب يامة
بسرخ انا من حزني بهمة
لا عم يوم سأل ولا عمة
حتي الخالة مابقت رحمة
ٱه ع الحبايب بقوا غمة
بقوا زى العتمة والضلمة
ابنك كبر وشاب يامة
وراحت الفرحة واللمة
ياسر محمد ايوب
شاعر الجنوب
إتبعنا