مقسوم
مقسوم انا نصين
نص شايل الهم
والنص التاني حزين
ولا عارف اشكي لمين
فيه ناس بتقول عليا
مسكين
وناس كدا بحسهم فيا
فرحانين
جواهم غل ليا معرفش
جيبنو منين
وانا اللي عايش ف حالي
حزين
دمعي ف العيون يملا
يا ناس فدادين
احنا ف زمن مين بيشيل
هم مين
واللي تلاقيه ف ضهرك
يطعنك بالسكاكين
حتي اللي ليا قسموني
نصين
نسيوا اني كنت شايلهم
جوة العين
اه يازمن كتر فيه الخاينين
واللي بيرسم عليا أنه امين
بقينا ف زمن ذادت فيه
الملاعين
ناس بتحور شمال ويمين
وجواهم خبس بقاله سنين
مقسوم انا نصين نص شايل
الهم
والنص التاني حزين
ياسر محمد ايوب
شاعر الجنوب
إتبعنا