#أزمة_من_غير_لازمة

#أنا_والوزير_في_سؤال
#عفوآ_وزير_التعليم
#أزمة_من_غير_لازمة

كتب/ عبدالتواب الشريف

عندما أسند الدكتور مصطفى مدبولي رئيس الوزراء مهمة قيادة التعليم إليك كان الهدف من هذا التكليف النهوض بالتعليم ليس القضاء على ما تبقى من التعليم .

لأننا منذ تكليفك بالوزارة ونحن نسمع التصريحات النارية والكل قال اصبر يمكن يكون كلامه صح أو يمكن عنده فكره تعود على التعليم بالمفيد والاستفادة وصبرنا إلى بدأ العام الدراسي الجديد الذى كشف تصريحاتك الرنانة بأنها فرقعة بالونات في الهواء ليس لها أى لازمةوأنك خلقت أزمة فوق الأزمات الموجودة لم تستطيع أى مديرية تعليم علي مستوي الجمهورية حلها وتعالي بقى نسأل بعض سؤالين
#هو_حضرتك لما توليت الوزارة معرفتش أن فيه أزمة مدرسين وأن الوزارة تحتاج من ٢٠٠ ألف إلى ٣٠٠ ألف مدرس ولو محدش قلك بالازمة تبقى كارثة ؟؟؟؟

#فبدل ما تشوف حل لسد #العجز الموجود تخلق حضرتك إنت أزمة جديدة #داخل المدارس وتقولى لآزم نخفض الكثافة و نفرد الفصول #والمدرسة اللى عدد فصولها ١٢ فصل تبقى ١٨ فصل
#يعني زيادة ٦ فصول معنى كده أنك خلقت عجز أكبر لأنك المدرسة كده بقت فى حاجة ٦ مدرسين جدد داخل المدرسة علي أزمة العجز القديمة اللى الموجودة
#وبعدين تقول إن كل #مدير مدرسة يكيف نفسه بنفسه طيب إزاي ؟؟؟؟
#وهو فيه في كل مدرسة علي مستوي الجمهورية فصول من غير مدرسين معنى كده أن الطلاب هيكسروا بعض طالما مافيش حد موجود معاهم #ومتقوليش إدارة أى مدرسة تقدر تعمل حاجة لأن كل مدرس فيها واخد ٢٤ أو ٢٦ أو ٣٠ حصة يعني مفيش عنده مكان حتي يتنفس منه وبعد كده الولاد يروحوا يقولوا #لاهاليهم أحنا قاعدين نلعب ومفيش مدرس بيدخل علينا.

وطبعا ولى الأمر من حقه يقول المدارس #فوضى وأن #المدرسين مش شغالين لأنه مش فاهم الكارثة اللى حضرتك #حطيت إدارة المدرسة #والمسؤولين عن التعليم في كل محافظة في ازمة وخليتهم بقى مش عارفين يعمل إيه وخليت #إدارات_المدارس عاجزين تماما أمام أولياء الأمور أثناء مواجهتهم لأن فعلآ المواجهة صعبة جدآ للغاية.

#هو_الأفضل أن يكون الفصل فيه ٦٠ أو ٧٠ طالب ويدخلهم مدرس يشرح ويهتم بالاولاد ولا الفصل يبقى فيه ٤٠ أو ٤٥ طالب ومش لاقي ليهم مدرسين؟؟؟

#السؤال_الثاني
حضرتك قلت ارفعوا الصف #الثالث_الاعداى والثانوى
من الجدول يعني كده بتقول للطلاب متجوش ورجعت صححت الكلام وقلت اعملوا ليهم محاضرات؟؟؟؟
طيب إزاي إدارة المدرسة هتعمل محاضرات والمدرس واخد ٢٤ حصة هيدخل يعمل محاضرة إمتى؟؟؟؟
ولا أحنا بنضحك علي بعض
#وبعدين نلاقي طلاب الصف الثالث سواء اعدادى أو ثانوي #بينطوا من علي الأبواب أو أسوار المدارس وطبعا معظم الشعب في هذه الأيام ماشي بكاميرا تليفزيونية في جيبه اللى هى المحمول
#يصور الطلاب وينشر علي السوشيال ميديا ويقول
#فين المسؤولين وفين الأمن #وفين إدارة المدارس والإشراف ويقولوا المدارس بقت فوضى وللأسف الشديد إنت السبب في هذه الأزمة #والفوضى اللى انتشرت في الوقت الحالي .

#ياريت نفوق ونرجع تاني للصح ونلغى موضوع فرد الفصول وبكده هنوفر في كل مدرسة أقل حاجة ٦ مدرسين والطلاب يدخلهم مدرسين يشرحوا ويفيدوا الولاد.

#بلاش بلاش بلاش نصمم علي قرار خطأ هيسبب أزمة من غير لازمة إنت مش أفضل من الزعيم الراحل السادات رحمة الله عليه لما صدر قرار وعشان خاطر البلد رجع فيه تاني ولكن لو طبقت نظرية أنا مبرجعش في قرارى يبقى لازم نقول البقاء والدوام لله في تعليم البلد.