هل حان وقت الرحيل؟

كتب: محمود جاب الله 

كولر صفر بدائيات تشكيل وتكتيك و قراءة مباراة هتقولى خد بطولات هقولك بالاهلى واللعيبة اللى كانت موجوده ولسه فى عزها لكن هو مدرب عقيم فى اداراة المباريات مبيفهمش اى حاجة ..حافظ وليست فاهم ،حافظ التغيرات فى الدقيقة السبعين وليست فاهم أن التغيرات مطلوبة حسب معطيات المباراة . مدرب عنيد ومغرور.اغتال اغلب الاعبين نفسيا مثل السولية ،استغنى عن أهم عناصر فى الفريق قندوسى ،وديانح ،حمدى فتحى ،واخيرا عبد القادر ..

الخطيب كعادته هتقولى جاب بطولات هقولك هنفضل ننهار على حسها البخل والبطىء والغرور والانتظار للانهيار وضياع البطولات.الأهلى مش هو الأهلى تخبط وعشوائية ومفيش اى نظره مستقبلية ولا تخطيط ولا رؤية ألف لجنة فى النادى ومفيش اى شغل ليهم ملموس لا عارفين يتعاقدو مع صفقة ولا عارفين يعينوا مسؤل مناسب ولازم الفريق يقع علشان يبدو يفكروا فى التدعيم حاجه بقت مستفزه والله كفاية بخل فريق الكورة هو الأهم من الكراسى والشماسى والفروع. وهيبة الفريق البطل اللى اتحول لفريق جبان بيلاعب فرقة كسابها ٦ ومرعوب وبيدافع كل المباريات اصبحنا لا شكل هجومى ولا دفاعى فى تشويه للفريق وعدم قدرة على استغلال العناصر الموجودة بشكل منظم وواعى فى تخلف فى كل شىء انقذوا فريق الأهلى قبل فوات الاوان .

لقد حان الان رحيل كولر ،وايضا الخطيب قبل أن تنهار منظومة القلعة الحمراء.