كلمات الشاعر الفنان رزق جادو
مصر .. دمياط
( انا صلاح )
انا اللي اهلي ربوني
على الحب وع الإصرار
وأبويا قالي يامحمد
انا عاوزك تكون مغوار
ودوس ع الصعب ماتخفشي
عشان توصل مع الشطار
ومهما كبرت ووصلت
ما تتغرش في أي حوار
ووصتني كمان امي
على اهلي وحق الجار
ولفعل الخير اكون بادئ
لحد آخر المشوار
بحب الكورة من صغري
وصرت كمان علم على نار
العالم كله يعرفني
بفضل الواحد الغفار
انا مصري انا عربي
انا ابن القرية وابن الدار
أنا ابن مصرنا الغالية
بفكر فيها ليل ونهار
أنا مسلم انا مؤمن
بحب الجنة وأخاف من النار
وحب الناس ده في قلبي
وربي عالم الأسرار
وبدعوا ربنا يزيدني
واكون لوطني إبن وبار
وبدعوا ربي يحميني
ويحمي بلادنا م الأشرار
وبدعوا ربي يحفظنا
ويبعد عننا الأضرار
ويكون في بلادنا ألف صلاح
يرفعوا رايات الانتصار
كلمات الشاعر الفنان رزق جادو
مصر .. دمياط