بقلمي
الشاعر حسين
(((–معني الحُـب)))
الحب مش كلمتين
ولا كام مكالمه فـ شات
ولا كام وحشتيني
والرغي فـ مـ كالمات
الحب تضحياات
الحب ده ضمه وحنين
وامنيات
ومعاني لو توصل جايز
تـ داري اهات
احاسيس مـ ليها الخوف
جوه القلوب بـ تبات
وانا عمري مـ حبيت
لاكن بـ حن ساعات
ممكن لاكام غنوه
او ماضي وكمنجات
او بنت قابلتني
بالصدفه فـ الابيات
الحب فرط الخوف
والاهتمام لساعات
الحب حب الغير
علشان فـ قلبه حـ جات
جايز تكون منك
فـ الحب مـ بيفرقش
عمرك ولا سنك
الحب طفل برئ
مولود عشان تفرح
الحب بلطو الصوف
فـ البرد بيدفي.
الحب كـ القهوه
تمتص اوجاعك
الحب صاحب جدع
عمره مـ يوم باعك
الحب لو حبيت
عمرك مـ تتخلي
الحب ام وبيت
وحاجات تصير احلي
الحب ده نحله
تقرص ومبتأذيش
الحب زي الشيش
يستر جمال مدفون
الحب لو مـ القلب
بـ يجيب لصاحبه جنون
الحب اب حنون
بـ يضم و يـ واسي
الحب لوصادق
عمرك مـ هتقاسي
الحب اقرب ليك
من فرط احساسي
الحب كـ الرأتين
يـ تحامو جوه ضلوع
الحب زي شموع
بتنور العتمه
الحب شئ طيب
معجون بلون الطيف
الحب دمه خفيف
بيونس الوحده
الحب هما اتنين
عايشين بروح واحده
الحب طبعه جميل
بيبان فـ مسكه ايد
بيبان فـ نظره عين
من شخص يشبه عيد
الحب بـ التأكيد هيدق
يوم بابك
وان جاك متتركهوش
غير لو فـ يوم سااااابك.