كتب الشاعر ياسر محمد الشريف
بياع المر
يا بياع المر فين دكانك
قولى وانا اخد مكانك
بلاش تشيلنى احزانك
اوصفلى بس عنوانك
ادام الفرح مش ليا
طاب ليه بتضحك عليا
دايما جايبلى هم واسية
حتى الضحكة مستكترها عليا
ذنبى ايه ف الدنيا ديا
اكون على طول ضحية
يا بياع المر مالك ومالى
سيبنى بس ف حالى
بجد شكرا ليك يا زمن
انا دايما بدفع التمن
ليه بس الأسى والمر
مفيش يوم ليا يسر
مفيش يوم المر ينسانى
دايما فاكرنى وفاكر عنوانى
يا زمن خلى المر يرحمنى
على طول كدا بيقتلنى
مين يسألنى يوم مالك
أو حتى إيه اللى جرالك
يا بياع المر فين دكانك
قولى وانا اخد مكانك
