شعر : سميرة عبدالرحمن
رد الجميل
اسمي بلا وطن
اسم ملوش معني
اهتف باعلي صوت
صرخة انين تعلي
واللي اتكتب علي الجبين
من كل شئ اغلي
حروفك يامصر
محفورة في الوجدان
من قبل مينا واحمس
قبل الاوان باوان
م: محبتك ومودتك
تسامح الاديان
ص: صبر وصلابة
ولا يقدر عليك شيطان
ر: روية شبابك بلون اخضر سندسي
كما المرجان امشي علي ترابك
يا امي الف خطوة وميل
واقول دي بلدي فيها
حضارة ونيل فيها
كل شئ غالي وبحياتي
انا افديها بكل ثمين
وان جارو في يوم عليكي
ي بلدي مايهزك ريح
انت ف قلب كل مصري
كل شهيد وجريح
انت في قلب الوطن
متربعة في مكانك
ان طلبوا الحمي منك
دايما تفتحي بابك
لو راح الف شهيد وشهيد
لا يعيش فيكي
الا اللي يستاهلك
وان غابت في يوم شمسك
بكرة يطلع نهاره جديد
انا يا مصر من غيرك
وطن بلا ماوي
انا يا مصر اسم
ملوش معني