معلومات مهمة عن الرئيس القادم لفرنسا المنتخب .

قنا \ كتب : مصطفى مغربى 

#ماكرون حاصل على ماجستير العلاقات العامه
متزوج من مدرستة وسنها حاليا ٦٣ سنة ، تعالوا شوفوا
#١٠ معلومات عن رئيس فرنسا الجديد ايمانويل ماكرون
١ – شاب
عنده ٣٩ سنة
٢ – قلبه ميت ” ملوش في الشكليات ”
مراته عندها ٦٣ سنة ، اتعرف عليها لما كانت مدرسته و هو عنده ١٥ سنة و كانت هي ٣٩ سنة اهله حاولوا يبوظوا الجوازة و لكنه اتجوزها و عاش معاها و مع ولادها التلاتة .
٣ – الچينات
ابوه فيزيائي و استاذ و عالم نيورولوچي في الجامعة فهيخلف مين ؟ واحد بقي رئيس و هو عنده ٣٩ سنة
٤ – متسامح مع نفسه
قال انا بدعم الاتحاد الاوروبي و مش عايز انفصل عنه تماما مش زي منافسته الي كانت عايزه تنفصل بفرنسا و طبعا العالم دلوقتي مبيصدق يلاقي حد يجمع مش يفرق ، يعمل سلام مش يعمل حروب ” الچين ده مطلوب “
٥ – معندوش عقد و ذكي
في حملته الانتخابية اعتذر للجزائر علي فترة احتلالها من فرنسا و قال ان ده شيئ لا يصح ، فملايين المسلمين في فرنسا وقفوا معاه + ان الشعب الفرنسي ادرك ان ده شخص مش هيزود عدد القنابل الي بتنفجر لانه بيتعامل بذكاء مش شعارات و الي يحصل يحصل
٦ – التعليم و التفوق و الدرجات العلمية
درس الفلسفة في جامعة باريس ، و عمل ماجيستير في العلاقات العامة و قدم في ال ENAA الجامعة القومية للادارة ، الي عشان تتدرب فيها لازم تكون من المميزين في دراستك لازم تكون عامل ماجيستير بتتكلم فرنساوي و انجليزي و بتتلقي تدريب لمدة ١٤ شهر ١٠٠٪ مجانا و شهادة التدريب دي في فرنسا تعتبر من اندر الشهادات الي اي حد ممكن ياخدها في العمل العام لصعوبة القبول في هذه المؤسسة ، هو اخادها سنة ٢٠٠٤ .
٧ – مخاطر بيحب الريسك
عمل مراقب حسابات في وزارة الاقتصاد من ٢٠٠٤ ل ٢٠٠٨ و في ٢٠٠٧٧ اشترك في برامج مهمة جدا في الوزارة لكن في ٢٠٠٨ دفع ٥٠ الف يورو غرامة عشان يسيب الحكومة و العمل الحكومي و يتجه للعمل الخاص في احد البنوك الشهيرة في فرنسا .
٨ – السرعة في الاداء
٢٠٠٨ ساب الحكومة كموظف ، ٢٠٠٨ اشتغل في بنك ، ٢٠١٢٢ رجع تاني الحكومة بس فين ؟ ” في الاليزيه ” القصر الرئاسي كاحد مساعدين الرئيس هولاند الاساسيين ، ٢٠١٢ من ٥ سنين يعني لما كان عنده ٣٤ سنة كان هو الي بيقول للرئيس هولاند يعمل ايه في الاقتصاد . ٢٠١٤ بقي وزير الاقتصاد و المالية . عمل طفرة في مكانه و استغل الفرصة الي جاتله ، ٢٠١٦ اسس حركة او حزب اسمه ” ان مارشيه ” EM بمعني الي الامام و عمل قاعدة شعبية كبيرة اغسطس ٢٠١٦ استقال من الوزارة و رشح نفسه للرئاسة .
٩ – الحلم
الشعب الفرنسي ، مجابش صورة الراجل ده و هو علي البحر و اتريق عليه ، او صورة مراته الكبيرة في السن و بقيت حديث التوك شو ، الشعب الفرنسي فكر في حاجة واحدة بس ، مين ال ” مخ ” الانضف ، مين ال ” اذكي ” ، مين الي هيوفر علينا حروب ، مين الي هيوفر علينا ” دم ” مين الوجه الجديد الشاب الي ذكائه عالي الي هيحافظ علي الشباب الي زيه مش هيبعتهم يموتوا ، مين الي هيوحدنا مع اوروبا مش يفرقنا .
١٠ – النتيجة
دايما انتخابات اوروبا بتخلص بفارق طفيف لكن الراجل ده كسب باكتساح ” ٦٥٥٪ ” مبروك علي فرنسا رئيس جمهورية عنده ٣٩ سنة بعيدا عن اي حاجة ، المنظر العام بيعكس مدي تحضر هذا الشعب . و مدي ثقافته .