استغاثة أبناء سوهاج الي محافظ سوهاج

مشاهدة
أخر تحديث : الإثنين 11 مارس 2019 - 10:36 مساءً
استغاثة أبناء سوهاج الي محافظ سوهاج

متابعة احمد الشبيتى

يستغيث أبناء سوهاج بالدكتور احمد الأنصاري محافظ سوهاج والساده المسؤالين بسوهاج حيث بدأت الاستغاثة من شباب سوهاج بهذه الكلمات 
السلام عليكم الكلام ده موجه لمسؤلين سوهاج اعضاء النواب والسيد محافظ سوهاج وكل مسؤال في سوهاج بالله عليكم كفايه لحد كده احنا كشعب سوهاج من اكتر الشعب تعبان وطالع عينه وسكتين .

هنتكلم عن تجنيد اسيوط ارجوكم احنا محتاجين تجنيد في سوهاج ليه نروح اسيوط ونتبهدل وشتايم وقلت ادب والفاظ عمرنا ما هنسمعها بالله عليكم انتم لو حد من قريبكم وحصل فيه كل اللى بيحصل ده من بهدله وشتايم كنتم هتسكتوا احنا كشعب نطالب بوجود تجنيد في سوهاج ليه ميكنش عندنا تجنيد زي باقي المحافظات ولا احنا ملناش لازمه ليه كده .

انتم عارفين كمية البهدله اللي بتحصلنا والاستغلال اللى بيحصل من اسيوط وغير صحيان الساعه 3الفجر في عز المطر عشان نوصل بدري ومفيش حد يشتمنا مع اننا بنشتم اصلا وبنتبهدل وغير كده الاستغلال اللي بيحصل منهم في المواصلات ام 2جنيه هما بياخذو 30جنيه حتي الاكل والشرب والتصوير وغيره طيب ليه كده وغيره وغيره من اللي بيحصل منهم كشعب طيب محنا ممكن نفتحه في الكوثر ونستفيد منه يعني كمواصلات هتشتغل وغيره انتم عارفين كمية القلق اللي بتكون علي اهلنا وابن سوهاج لحد مايروح اسيوط ويرجع طيب وليه وحنا عندنا اماكن في سوهاج كتيره فاضيه .

بالله عليكم احنا تعبنا كده من اسيوط ياريت تسمعوا كلامنا وتحققوا ده لشباب سوهاج ياريت يا اعضاء سوهاج يا نواب سوهاج يلي محدش بيشوف منكم حاجه سعدونا في ده وقدموا طلب

وفي نهاية الحديث بعثوا رسائل الي كل مسؤل في سوهاج لازم صوتنا يوصل نريد تجنيد في سوهاج .

رابط مختصر

أضـف تـعـلـيق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.
ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة تعليم نيوز الالكترونية وهي تلزم بمضمونها كاتبها حصرياً.