كتب : دكتور فوزي الحبال
الطبطبة مش عيب
الكلمة الحلوة بلسم الزواج
الإهتمام مش محتاج مجهود و لا فلوس كتير
بلاش نقف لبعض علي الواحدة
احسنوا النوايا
التفاصيل بتفرق و الإهتمام بيها بيصنع المعجزات
اقوي حب بيموت بالإهمال و الشك
العشرة الطيبة ممكن تبقي اقوي في حبها من الرومانسية الغير ناضجة
الحب مش بالكلام و بس.. اكبر من كده بكتير.. الحب رحمة
نجاح اي علاقة محتاج مجهود من الطرفين.. محتاج اخلاص
الشكوي من عيوب شريك حياتك هيزهقه حتي لو معاك الحق
بلاش مقارنات.. وعدي التفاهات
بلاش دماغ ناشفة و ان شريك حياتك يزهق من النقاش معاك
الست الذكية هي اللي تعرف ازاي تكسب جوزها
الرجل الذكي هو اللي فاهم طبيعة الانثي .. وفين مفتاح قلبها
الغلط بيجيب غلط اكبر منه.. الإحترام اهم حاجة
كبّروا دماغكوا…. علي الآخر
امدح في مراتك قدام الناس
اللي مبيعجبوش العجب ده اكتر نوع مزعج في الجواز
الرجل و الست بيكملوا دور بعض..مفيش حد فيكم دوره مش مهم
مراتك شايلة كتير اوي.. ساعدها علي قد ما تقدر
جوزك طالع عينه في الشغل.. قدّري تعبه.. وارحمي بقلبك
النكد بيحول اي بيت لمكان يسد النفس.. بلاش نكد
كلمة تسلم ايدك مش بتوجع
كلمة ربنا يخليك لينا مش صعبة
البيت مسئوليتكم سوا من الألف للياء.. المشاركة حلوة
اسمعها حتي لو كلامها تافه بالنسبالك.. هو مش تافه علي فكرة
اديله مساحته.. لما بتخنقي الراجل بيبقي قرفان اكتر و مش طايق عيشته
احترموا بعض.. قوي قوي
دلعو بعض..مش عيب و لا حرام
هزروا سوا ..بلاش غلاسة
اللي زعلان ميشيلش جواه.. الفضفضة بتجيب من الاخر
بلاش انانية و ان في طرف مستني كل حاجة من التاني
مفيش حد ملاك بس في ناس بتغلط و بتعتذر و بتحسن من نفسها
بلاش دور الضحية.. ممل جدا جدا
التفاهم مهم اوي..اتكلموا كتير
متخليش شريك حياتك يقفل منك و يجيب آخره وانت مصمم انك تفضل زي ما انت و خلاص عشان السكة دي اخرتها مش حلوة
افتكروا لبعض الحلو بلاش سواد
بلاش ضربة البوز ..قولو اللي مزعلكو علطول.. وفضفضوا
متناموش متخانقين ولا زعلانين
كتر الزعل بيعمل فجوة بين اي اتنين و بالوقت بيبقي ده العادي
اتغيروا عشان بعض في اللي تقدروا عليه و تقبلوا الاختلافات اللي بينكم
قدًمو السبت عشان تلاقو الأحد و الأثنين و كل ايام الاسبوع .. احنا مش في حرب
❤وجعلنا بينكم موده ورحمه❤
