الشاعر حسين
هو دا يبقى اسمه إيه ؟
اللي بيهد في جدارها
اللي بيشعلل في نارها
اللي بيحاول حصارها
اللي يحزن لأنتصارها
و اللي يفرح لإنكسارها
هو دا يبقى اسمه إيه ؟
اللي مول و اللي درب
اللي كسر و اللي خرب
اللي دمر و اللي هَرب
اللي سارق و اللي سرب
اللي شرق و اللي غرب
هو دا يبقى اسمه إيه ؟
اللي يسرق قوت عيالها
اللي مش بيشوف جمالها
اللي عمره في يوم ما شالها
و اللي بيقطع في شالها
اللي ناهب نص مالها
السؤال مردود عليه
ع اللي عامل فيها بيه
دوره مش لايق عليه
يبقي خاين و ابن إيه ؟