“نظرية حياة”

بقلم /داليا إسماعيل

أفهم النظريه دي انت وهي علشان تقدرو تاخدو القرار الصح في الوقت الصح.

كل الناس شايفه الجواز علاقة مقدسة ومكتوبة علي جبينك من اول يوم اتولدت فيه ولازم تتم سواء كان برضاك او مغصوب عليها.
الا اناااااااااااااا.

شايفة الجواز ده نظرية لو اطبقت صح يبقي جواز حقيقي غير كدا تبقي سوري علاقة ميتة مافيهاش اي نوع من إحساس الحياة.

#الجواز..
_ هو إحساس داخلي ان الشخص اللي مكتوب عليه يشارك حياتك دة لازم يكون اقرب الناس ليك مش بالكلام ولا بالوثيقة لا بالمشاعر الصادقة.

_ وعلشان تحس المشاعر دي لازم يتولد حب عميق بين الطرفين يقدر يستمر مهما كانت الظروف والحياة صعبة.

_ وعلشان يتولد الحب ده لازم يكون سابقه صفات كتير حاجات تتحس حقيقي وتكون متبادلة بين الطرفين واولهم ” الصداقة والتفاهم والثقة”

لو طبقت الكلام ده بالترتيب في حياتك يبقي انت كدا طبقت النظرية كاملة واقولك مبروك عليك لقب الزواج لانك بالفعل اصبحت زوج او زوجه لفرد اخر بيكملك بكل شئ سواء بالقرارت المصحوبة من العقل او بالمشاعر المحسوسه من القلب.
.
طيب لو سقط بند من البنود دي ومااتحققش. يبقي للأسف عمرك ماهتحس انك متجوز حقيقي وهتبقي دفنت نفسك بعلاقة ميتة مافيهاش اي شعور بالراحة او السعادة ،

لان بكسر بند منها اصبحت باقي البنود ليس لها قيمة ذي بالظبط لو سقطت كلمة مهمة من جملة هتصبح الجملة لا معني لها.

طيب وايه الحل دلوقتي بالوضع ده في ناس كتير مش هتتجوز.
صح عندك حق.

بس فكر كدا لحظه وانت في كامل قواتك العقلية..
ياتري..

** من الأفضل انك تعيش لوحدك وحامل مسؤلية نفسك فقط وماتكونش عبء علي حد او حد عبء عليك وتبص لحياتك ولطموحاتك وتحس دايما ان جواك ان في أمل في بكره وان حياتك لسة ماانتهتش؟ **

وبالفعل هي هتكون لسه ماانتهتش وغالبا هتحقق حاجات كتير وانت من جواك راضي عن حياتك ومطمأن لها.
.
** والا تلاقي نفسك سواء انت او هي مقيد بشخص انت مش حاسس ولا شايف وجودة في حياتك ومش بس كدا ممكن تلاقي ارواح تانية اتخلقت بينكم ومتعلقة برقبتكم

ووقتها هتعيش في سجن مدا الحياة لا قادر تتحرر منه ولاقادر تعيش وتتحمله وتبقي قضيت علي حياتك اللي جاية بدون اي وجه حق.

وكوارث كتير هتزيد وانت مش قادر تحاصرها او تهرب منها بسبب علاقة ذي حبل ملفوف حول رقبتك بتموت نفسك به وكله علشان راحة الناس من حوالينا وتعاستنا احنا .

ده غير إحساسك اللي هيطاردك كل لحظة وانت حاسس ان الفرصة راحت عليك ومهما استسمرت وقت عمرك ماهتعوض اللي انكسر.
                                   علي فكرة..
احنا اتخلقنا #مخيرين مش #مجبرين علي فعل الشئ . علشان كدا ربنا ميزنا بالعقل اللي نقدر نحكمه وهو يختار.

لو كلنا حققنا النظرية دي هنخلق اجمل حياة ممكن نعيشها.
واياك تقول ان العمر بيجري صدقني العمر بيتحسب بأجمل لحظاته اللي بتعيشها خلال حياتك مش بالأيام والسنين اللي محسوبة علينا.