بقلم/ماريانا مختار
لو سألنا ايه اهم إحساس لازم يكون موجود علشان العلاقة تفضل مكملة؛ يبقي هانلاقي إجابة واحدة بس وهي “الأمان”
الأمان جواه كلام كتير اهم ما فيه اني كطرف في العلاقة مطمنه جدا انه مش هايجرحني بكلمه؛ و مش هايسيبني و يمشي؛ وبالتالي مش هفضل عايشة في خوف وقلق طول الوقت… ودي من أهم النقط اللي تخليني اقدر اقدم لشريكي اكتر..
هو كمان كطرف لو حاسس بالأمان، فده معناه انه مطمن اني مش هاخون، ولا هبعد؛ و لا هاجرحُه في لحظة … اني هفضل سند و ضهر ليه بكل قوتي طالما اقدر
الحب حلو؛ بس بالأمان بيفضل عايش و مكمل… و من غيره بيموت لأن الخوف بيقتل كل معاني الحياة والأمل
علي فكرة.. الأمان جزء منه مادي؛ مش المقصود بيه فلوس كتير… لكن المقصود ان كل طرف بيقدم (أفضل ما عنده) للأخر و ده في ذاته بيطمن جدا
حينما يوجد الحب يوجد الاكتفاء والوفاء.