لمحة في مابعد الجواز

•  كتبت : مريم حبيب

١- الجواز حلو مش زى ما الناس بتقول .
٢- الجواز مش بس دلع و مش بس مسؤلية ، شوية كده و شويه كده
٣- اصحابك لو اتريقوا عليك عشان مروح بدرى تقعد مع مراتك، اطمن انت صح و مش لوحدك احنا كتير
٤- بعد الجواز غير قبل الجواز، لو متخيل انك هتقضيها زى ما كنت، تبقى غلطان
٥- الراجل الحنين شخصيته مش ضعيفة، ده اجدع راجل
٦- لو مش عايز مسؤلية من الاول؟ اتجوزت ليه ؟؟
٧- حوشوا و سافروا لوحدكم
٨- محدش بيعيش حياة سعيدة من غير ما يعمل مجهود، لازم تتعبوا سوا عشان جوازكم يكون سعيد
٩- مفيش فى الجواز “أنا” الجواز فيه “أحنا”
١٠- مشاكل البيت تفضل جوه البيت
١١- الحب مش كلام بس ، الحب أفعال
١٢- بس الكلام مهم برضه، الست و الراجل بيحبوا يسمعوه
١٣- الجواز حلو مش زى ما الناس بتقول، بس لازم تفكر كويس انت عايز تتجوز ليه
١٤- الرجولة سند و حماية و حنية.
١٥- لو مش بتقضوا وقت سوا تبقى متجوزين بالاسم بس، الجواز حياة، و الحياة وقت.
١٦- مراتك اهم واحدة في حياتك
١٧- الجواز حلو حقيقى لأنه تصميم إلهي
١٨- الرجولة عمرها ماكانت صوت عالى الرجولة مواقف .. ولا إيه
١٩- عبر عن مشاعرك ليها هي محتاجه للكلمة الحلوة بتحييها
٢٠- وانت بتاكل بص لها وقولها تسلم ايديكي