اخبار عاجلةكتاب و مقالاتمعلومة تهمك

كيفية تحرير المحضر من الناحية الموضوعية : معلومه قانونيه

كتيت/ولاء بكير
للاسف احنا بنتعامل مع محضر الشرطة على أنه مجرد خطوة بتشكل بداية النزاع ، ونبدأ بالاهتمام بالنزاع وجوانبه بالمحكمة
لكن كلما كان المحضر به كافة المعلومات والبيانات ويلم بكافة جوانب الواقعة يرجح كفة محرره في النزاع .

هنقول مثال بسيط محضر اتلاف

لو شخص اتصل بيك وقال الحق يــــا استــــاذ فلان اتخانق معايا هو واصحابه ( او اخواته أو بلطجية تبعه …….) كسر عربيتي وضربني .

اول حاجة هتقولها قابلني في القسم ( أو النقطة) نعمل محضر جميل لحد كده نشوف المحضر :

** امين الشرطة ايه اللي حصل ؟
موكلك فلان واصحابه كسروا عربيتي وبعد فتح المحضر ويبدأ يسأل عن التفليات ويسأل ليه عملوا كده؟ موكلك يقول مثلا عشان عايزين اني اسيب الشقة عشان انا مأجر الشقة من فلان (المشكو في حقه) ، ويقفل المحضر ، وتتم المعاينة والكشف الطبي وراح النيابة ومنه للمحكمة ، وبعد كده طبعا براءة ليه ؟

عشان نقول ليه نشوف المحضر اذا تم تحريره في وجود محامي المفروض يكون ازاي:

في المثال السابق (اتلاف وضرب )

لازم نتعامل مع اي محضر على انه مذكرة دفاع بمعنى انك بتثبت حالة عن جريمة تمت وكل جريمة لها ركن مادي ومعنوى لابد ان يتم الاستدلال عليهم من المحضر ازاي؟

اولاً : لما موكلك يقول فلان واصحابه …. على طول تقوله قول مين اصحابه، طيب ما يعرفهمش اوصفهم واحد فيهم اسمراني التاني ابيض واحد طويل الاخر قصير ….. وهكذا.

ثانياً : ضربوني وكسروا عربيتي كما ذكرنا فيه ركن مادي لابد من الاستدلال عليه لازم يوضح مين ضربه وازاي ضربه سواء كان واحد او اكثر يعني يقول فلان ضربني بالوبكس في وشي أو بحديدة ولازم يتم وصف الحديدة جيداً ولازم يقول ازاي حصل عليها او بخشبة او شومة واي حاجة ممكن تسبب اذى ولابد من وصفها جيدا ووصف طريقة حصوله عليها .

و كان ماسكني صاحبه فلان (أو وصفه) ، وبضربني نفس ماسبق ، بينما كان الثالث والرابع ( بيان أسمائهم واوصافهم) قاموا بتكسير عربيتي ، قام فلان (اسمه أو ووصفه) باستخدام شومة أو حديدة أو….. بتكسير الزجاج الامامي والخلفي ، وقام الاخر بالقفز على مقدمة السيارة لتكسير كابوت السيارة وكذا قام بخلع الاكصدام بأن قام بركله اكسر من مرة .

كده احنا نقدر نستدل على فعل الضرب والاتلاف من المحضر وبكده القاضي يشوف المحضر يعرف ان الراجل ده صادق لان المحضر لابد وان يكون تم تحريره بعد حدوث الواقعة مباشرة يعني الاحداث مازالت حاضرة في ذهن الشاكي فلا مجال لنسيان اية تفاصيل وكلما كان هناك تفاصيل اكتر حول الركن المادي خاصة كلما كان المحضر اقوى
نروح على الركن المعنوى
الاتلاف جريمة عمدية بمعنى لو قلنا ان فلان قام بتكسير البراويز الخاصة بي وسكت !!!!
هل كانت البراوزير معلقة وقام بخلعها والقى بها على الارض ، او قام بإلقائها على الشاكي ففي هذه الحالة تعمد الاتلاف
لكن ايضا هل كان المشكو في حقه يسير ثم اصطدم بها ام كان يضع يده عليه ليستند عليها مثلا وسقطت ؟ فهنا غير عمدية
اذا يجب وصف طريقة الاتلاف والضرب او جريمة

ثم نأتي للدافع لماذا قام بذلك سواء بالضرب او الاتلاف او السرقة …….
في المثال السابق قال الشاكي السبب ان فلان عايزني اسيب الشقة اللي مأجرها منه وسكت !!!
ولم يقول هو مدة ايجار الشقة من تبدأ من تاريخ كام وتنتهى في تاريخ كام
وليه بدا النزاع يوم تحرير المحضر مش قبل كده ولا بعد كده وهكذا

ثالثا : الشهود

اكتر كلمة مستفزة في اي محضر امام من حدث ذلك ؟ امام الناس كلها
يعني المفروض نجيب الناس كلها تشهد
لازم يقول امام فلان وفلان وكان فلان حاول ان يتدخل حتى ينقذني منهم ولكنهم حاولوا التعدي عليه ايضا او قاموا بتهديده
وبقدر الامكان يكون معاك الشهود في نفس اليوم او اليوم التالي على الاقل؟

اما بالنسبة للشهود لابد من ذكر سبب تواجدهم في مكان الواقعة ولابد ان يكون سبب مقنع وكذلك لابد من ذكر سبب مقنع لعدم تدخلهم في منع حدوث الواقعة وكذلك الا تتعارض اقوالهم مع اقوالهم مع اقوال الشاكي ولو بقدر بسيط

رابعاً المعاينة

بقدر الاماكن لابد اون تكون فور تحرير المحضر ويراعى في اقوال الشاكي اثناء وصف الضرر الدقة حتى لاتتعارض مع المعاينة ، واهم حاجة ان المعاينة تطابق مع اقواله وعلى فكرة ان المعاينة تأتي بتلفيات أكثر مما ذكره الشاكي مش حاجة كويسة
بالعكس ممكن تكون سبب للبراءة لان احيانا امناء الشرطة بيحبوا يخدموا الشاكي فيقوم الواحد منهم يذكر تلفيات قيمتها اكبر بكثير مما ذكره الشاكي وطبعا ده يدعو للتساؤل ليه الشاكي لم يذكرها ؟؟!! لان المفروض ان الشخص اول حاجة بيكون فاكرها هي الاكثر قيمة يبقى ازاي نسي ؟؟ّ!!!

خامساً : الكشف الطبي

نفس ماقمنا به في المعاينة نراعي القيام به في الكشف الطبي وطبعا اثبات المعاينة الظاهرية لمحرر المحضر قبل الذهاب للمستشفى

ويجب الا نكتفي بمحضر الشرطة وننتظر تحديد جلسة بل لابد ان يستمر العمل اثناء وجود المحضر في النيابة ايضاً
بأن يتم اخذ اقوال الشاكي في النيابة مرة اخرى والافضل أن يكون في اليوم التالي حتى اذا كان هناك اصابات يتم مناظرتها في المحضر ، وايضا سماع اقوال الشهود
وكذلك متابعة القسم في ارسال التحريات
اي ان المحامي يعمل على القضية منذ اللحظة الاولى لكى تتدخل في حوزة المحكمة وهي مكتملة الاركان والمستندات
لانك كمحامي للمجنى عليه ليس لك التكلم في الموضوع انما فقط الادعاء مدني والتحدث في ركن الضرر ليس الا
وبالتالي من حق القاضي التدخل في مرافعتك وتحديد مساحة المرافعة بالتكلم في الضرر فقط ورفض بعض الاوراق او المستندات احيانا.

لا يتوفر وصف للصورة.

اظهر المزيد
زر الذهاب إلى الأعلى