بقلم : د/ طارق محمود
اللى عايز يشوف ناس من العهد القديم ياسادة يامسؤلين , يشوف أهالى قرية النور ولو أنها مجرد اسم مش على مسمى تخييلو ياسادة أن القريه موجودة من قبل سنة 1984 .
ورغم من انها تتبع محافظة الجيزة الا انها محرومه من كل الخدمات الاساسية وطبعأ كل مرشح ييجى يزورها عشان الاصوات فقط وبعد كدة يقوللهم باى باى كمبورة وهو ده حال القريه دى .
هل ممكن حد يصدق ان أقرب مستشفى ومدرسه على بعد 10 كيلو لاء وشوفو محاسن الصدف ان مافيهاش طيق ممكن تمشى فيه العربيات يعنى القرية دى معزولة عن العالم
و يعنى كوكب تانى وهى دى القرية اللى كان الفنان مدحت صالح عايز يعيش فيها لما غنى (عايز أعيش فى كوكب تانى ) تبقى هى دى الكوكب التانى .
يعنى لما حد يعيي فجأة وعايز يروح مستشفى يبقى يموت اسهل لانه ببساطة مش حيلاقى مواصلات توصله المستشفى وبردو التلاميذ اللى بيروحو المدارس بيمشو على رجليهم المسافة الكبيرة عشان يوصلو , مش كدة وبس كمان المييه بتجلهم ساعة واحدة فى اليوم
وطبعا بالتاكيد مفيش صرف صحى طيب كل ده ورئيس مدينة الصف ميعرفش الكلام ده . طب والسيد المحافظ ياتر يعرف ان فى قرية اسمها قرية النور معزولة عن العالم ولو يعرف ليه مش عايز يدخللها الخدمات ولو مايعرفش تبقى المصيبة أكبر مش كدة ولا ايه ويجعله عامر