كتب ياسر محمد الشريف
شاعر الجنوب
قالوا الجيران
قالوا إن الجيران حبايب
وانا بقول فى جيران عقارب
جيران بتتسنط على الحيطان
فيه ف الدنيا جار سو
وفى جار مفيش منه
فيه جار ف الكلام حشرى
وفيه جار كمان كشرى
صعب تلاقى جار زين
تشيله كمان ع الكتفين
اصل الجيران انواع
جار تلاقيه جدع
وجار ورا مراته سماع
قالوا جارك الغريب
احسن من اخوك البعيد
وانا بقول كلب ف الايد
اشرف من جار لمراته عنيد
جار تلاقيه زى التعبان
وبيمشى ورا النسوان
وجار تلقاه معاك تملى
ع الحلوة والمرة مش متخلى
جيران على شكل شياطين
عاملين فيها أنهم بنأدمين
اصل الجيران دى انواع
جار تلقاه جدع وجار
تلقاه كمان خداع
ماهى الجيران انواع
كلمات مبعثرة عن الجيران