كتب : أحمد أبو زيد الشبيتى
أنه موضوع نقل عفش العروسه الى بيت العريس ، وثيقة الصلة بمبادرات التخفيف والتسهيل ومحاربة غلاء المهور وتسهيل الزواج.
يعنى ايه عشان انقل عفش بنتى لازم اجيب 15 عربيه لنقل العفش وممكن اصلا 3 عربيات يكفوا الموضوع كله …
يعنى ايه عشان انقل عفش بنتى لازم الف البلد كلها عشان الكل يشوف انا جايب ايه لبنتى مع ان بيت العريس فى الشارع اللى جنبنا …
وطبعا لازم ال دى جى عشان الفرحه تكمل وطابور العربيات يقف كل شويه عشان الشباب الجميل اللى ربنا هينصر بيه الأمة
طبعا دا غير ان الناس كلها بتبص على عفش بنتك والناس الفقيره تكسر قلوبهم والبنت الفقيره تكسر قلبها لانها مش هتقدر تجيب زى ما حضرتك جبت لبنتك ..
ناهيك عن مشاكل إن العريس عليه كام عربيه وأهل العروسة جابوا كام عربية ، وبمجرد ما بينزلوا العفش حاجة تتكسر خناقة تحصل دا طبيعي جداً يعني حضرتك عامل معرض مفتوح لجهاز بنتك ولفيت بيه البلد كلها ومش عاوز حاجة تحصل غير إن كل عربية مش هترضى تاخد اجرة اقل من 100 جنيه يعني 15عربيه
يعني 1500 جنيه مصاريف شحن ونقل وتفريغ وأهل العريس لأهل العروسة دي حاجات كتير ناقصة بنتكم مجابتهاش ودول كلمة ودول كلمة وكأنهم هما اللي هيتجوزوا اساس الموضوع وأصله هوه القناعة والرضا لكن للأسف المظاهر أعمتنا عن كل شئ …