كتب شعبان عوض الله
مشروعات مصر لرفع أطوال قطارات الجر الكهربائي من ٧٠ كم فقط عام ٢٠١٤ الي ٨٦ كم في ٢٠٢٠ و ٢٥٠٠ كم عام ٢٠٣٢ بتكلفة ٥٠ مليار دولار
تسعي مصر جاهدة لخلق طفرة في مجال النقل السريع الذي يعمل بالكهرباء لما له من ايجابيات في توفير السولار والبنزين والوقت و توفير مواصلات حديثة تضمن للمواطنين تقديم خدمات متميزة تجبرهم علي الاعتماد عليها بدلاً من الاعتماد علي السيارات الملاكي والتي تسبب الزحام و التلوث
في ٢٠١٤ كان طول شبكة الجر الكهربائي في مصر ٧٠ كم فقط تتمثل في الخط الاول والخط الثاني وجزء صغير من الخط الثالث لمترو الأنفاق
وفي ٢٠٢٠ وصلت أطوال الجر الكهربائي الي ٨٦ كم بزيادة ١٦ كم وكانت الزيادة دي متمثله في افتتاح محطات جديدة : (العباسية – ارض المعارض – أستاد القاهرة – كلية البنات – الأهرام -هارون – هليوبليس – الألف مسكن – نادي الشمس)
في ٢٥ ابريل اللي فات كان المفروض يتم افتتاح ٦ محطات جر كهرباء جديدة ولكن تم تأجيلها والمصدر برر التأجيل ده بسبب الإجراءات الاحترازية اللي بتتخذها الدولة ضد فيروس كورونا (السبب الحقيقي ان المحطات مش جاهزة تدخل الخدمة عالأقل قبل شهرين عمل من الآن)
ال ٦ محطات الجديدة المفترض افتتاحها العام الجاري هم : (النزهة – هشام بركات – قباء – عمرو ابن الخطاب – الهايكستب – عدلي منصور)
بافتتاحهم هتوصل شبكة الجر الكهربائي الي ٩٥ كم في ٢٠٢٠
جاري العمل حاليًا علي تنفيذ ٦٤ محطة جر كهربائي جديدة توزيعها كالآتي :
-١٦ محطة مترو ضمن الخط الثالث (ناصر – ماسبيرو – الزمالك – الكيت كات) ودول هيتم افتتاحهم ديسمبر ٢٠٢١ و (السودان – امبابة – البوهي – القومية العربية – الطريق الدائري – روض الفرج) ودول هيتم افتتاحهم منتصف ٢٠٢٢ و (التوفيقية – وادي النيل – جامعة الدول – بولاق الدكرور – جامعة القاهرة) ودول هيتم افتتاحهم يونيو ٢٠٢٣
-١٥ محطة لخط قطار العاشر (عدلي منصور- العبور – المستقبل – الشروق -هيليوبوليس الجديدة- بدر – المنطقة الصناعية -العاشر من رمضان- الروبيكي- بدر الجديدة – العاصمة الإدارية 1 – العاصمة الإدارية 2 – العاصمة الإدارية 3 – العاصمة الإدارية 4 – العاصمة الإدارية 5) الخط ده لوحده بطول ٨٤ كم يعني نفس طول شبكه المترو اللي اتنفذت في ٤٠ سنه !! الخط بتكلفة ٢٠ مليار جنيه و الإنشاءات وصلت ل ٢٥٪ وهيتسلم خلال ٢٠ شهر
-١٢ محطة لمونوريل السادس من اكتوبر وهم (جامعة الدول – الطريق الدائري – المريوطية – المنصورية- الطريق الصحراوي – هايبر وان – جهينة – هيئة المجتمعات العمرانية – الحصري – دار الفؤاد – المنطقة الصناعية – القطار السريع) الخط ده بطول ٤٢ كم
-٢١ محطة لمونوريل القاهرة وهم (الاستاد – هشام بركات – نوري خطاب – الحي السابع – المنطقة الحرة – المشير طنطاوي – كايرو فيستيفال – الشويفات – المستشفى الجوي – حي النرجس – محمد نجيب – الجامعة الأمريكية – إعمار – ميدان النافورة – البروة – الدائري الأوسطي – محمد بن زايد – الدائري الإقليمي – فندق الماسة – حي الوزارات – العاصمة الإدارية) الخط ده بطول ٥٤ كم
خلال ٤ سنوات هيتسلم ال ٦٤ محطة كلهم بطول ٢٠٠ كم وبكده توصل شبكة الجر الكهربائي الي ٣٠٠ كم تقريبًا
المشروعات المستقبلية اللي هيتم تدشينها خلال السنوات العشر المقبلة والمُعلن عنها حتي الآن :
•الخط الرابع لمترو الأنفاق
•الخط الخامس لمترو الأنفاق
•الخط السادس لمترو الأنفاق
•قطار المنصورة الجديدة المكهرب
•قطار ابو قير المكهرب
•مونوريل برج العرب
•مترو القليوبية
•مترو الدقهلية
•مترو أسيوط
•قطار الغردقة العلمين السريع
•قطار الإسكندرية أسوان السريع
•قطار الغردقة الأقصر السريع.
