إلى من يهمة الامراخبار عاجلةحقوق وحريات

دموع معاق مقهور .للرئيس !!

(محمد سعيد عماره المنسق العام ومؤسس حملة 15 مليون معاق)
بعث مواطن مصرى من ذوى الاحتياجات الخاصة وعاشق لتراب الوطن رسالة ونداء إلى فخامة الرئيس عبد الفتاح السيسي رئيس جمهورية مصر العربية كتب – محمد سعيد عماره باختصار عارف يا ريس احنا مين… احنا الاغلبية الصامتة.. احنا حزب الكنبة ..احنا اللي كنا قاعدين في 25 يناير 2011 مش عارفين ايه اللى بيحصل ولا حصل ليه.. احنا اللي بكينا يوم خطاب مبارك وحسينا بالخوف يوم تنحيه .. احنا اللي كنا كل يوم بنموت من الخوف على بلادنا.. احنا اللي مصدقناش الإخوان ومنخدعناش منتخبناهمش لا في برلمان ولا انتخبنا مرسي.. ورفضنا دستورهم ..احنا اللي مضينا على تمرد ونزلنا 30 يونيو و3 يوليو ..احنا اللي فوضناك يا ريس وقولنالك اعمل ما بدالك احنا اللي صوتنا لدستور عمرو موسى ولجنه الخمسين ..وانتخبناك بقلوبنا قبل ايدينا في 2014 واشترينا شهادات قناة السويس.. واتحملنا تعويم الجنيه والاصلاحات الاقتصادية اللي قسمت ضهرنا ..دي بلدنا ونتحمل اكتر من كدا احنا اللي انتخبناك تاني في 2018 وايدنا التعديلات الدستورية ..عملنا كل حاجه يا ريس عشان بنحب بلدنا بس يظهر كدا خلاص دورنا خلص.. !!لابقيت تسمعنا ولا تحس بينا ..مش احنا برضو #ذوى_الاعاقة اللي قولت عليه لازم نطبطب عليهم لأنهم ملقيوش حد يحن عليهم ..إذا كان اللي بيحصل لينا دا من المسؤولين عن #ذوى_الاعاقة فى مصر حنيه، فارجوك كفاية متحنوش علينا اكتر من كدا… مش احنا بردو نور عنيك،، حكومتك يا ريس طلعت عنينا وخلعت قلوبنا على نفسنا ..كرهتنا في حياتنا وفي بلادنا . فقدنا الثقه في كل شيء متشكرين يا ريس متشكرين قوى.
(محمد سعيد عماره المنسق العام ومؤسس حملة 15 مليون معاق)

 

اظهر المزيد
زر الذهاب إلى الأعلى