داليا اسماعيل تكتب – (مرض التوهان)

بقلم : داليا اسماعيل
.
اى #مرض فى جسم الإنسان بيكون محتاج دقه فى التميزه لمعرفه أسبابه وكيفيه علاجه .
.
بس أخطر أنواع الأمراض اللى ممكن يتعرض لها الإنسان أو أى كائن حى هى #الامراض_النفسيه
.
انا شخصيا بعتبرها #المركز_الاساسى فى الانسان اللى بيكون حلقه وصل لكل شىء .
يعنى مثلا :
_ أى مرض عضوى بيكون اول سببه له الحاله النفسيه .
_أى مرحله مريت بها وفشلت فيها سبابها الحاله النفسيه .
_أى تغير فى ملامحك أو جسمك أو شخصيتك سبابها الحاله النفسيه .
_ اخلاقك وصفاتك عيوبك ومميزاتك اللى بتتميز بها سببها الحاله النفسيه .
.
كل حاجه فى حياتنا لو كشفت عنها جميله أو سيئه هتلاقى اول سبب يؤدى لها هو الحاله النفسيه اللى بتمر بها .
.
_ ومن أهم الأمراض النفسية اللى بيتعرض لها الإنسان هو مرض #التوهان :
(مرض التوهان) .. هى حاله أو مرحله بيمر بها الشخص تجعله يقف فى منتصف الطريق تايه ومش قادر يخطى خطوه للأمام لا هو عارف واقف ليه ولا رايح فين ولا هيكمل الطريق ازاى لان العقل بيعجز عن اداء وظيفته فى التفكير واعطاء الاشاره للاستعداد للحركه فبيكون فى مرحله سكون تام انا شخصيا بعتبرها (هدنه للعقل ) لان العقل مثل اى جهاز محتاج ياخد راحه علشان يقدر يكمل بنفس القدر من الطاقه بس المرحله دى لو اخذت وقت اكتر من المطلوب بتتحول لمرض حقيقى اسمه #التوهان .
.
_ غالبا مايصيب المرض ده هو الشخص الكثير التحمل من عبء ومشاقات الحياه .
الإنسان الكتوم اللى كل صدمه أو موقف مؤثر بيمر عليه مابياخدش القدر المطلوب من التعبير والفضفضة عنه سواء بالكلام أو البكاء أو أى وسيله تعبر عن الانفعال الداخلى ، بيتصور الإنسان انها بتأخد مرحلتها وبتمر ولكنها فى الحقيقه بتأخذ شكل تراكمى فى نفس الإنسان إلى أن يصل إلى أقصى درجه تحمل فى نفس الوقت اللى بيتظاهر فيه بالوجه النقى الخالى من اى آثار سلبيه نفسيه سواء بالضحك أو الإبتسامة الدائمة أو بالمرح وغيره من أساليب إنكار الإحساس بالتعب .
.
_لما بياخذ الوعاء النفسى القدر المطلوب من التحمل بيعطى الإشارة بأنه لم يستطيع أن يتحمل جرعه زائدة من التحمل بالإضافه ل مرور التركمات على الزهن فيعجز العقل والزهن عن وظيفتة فى التفكير فعليه أولأ أن يقوم بإخلاء الوعاء النفسى بما فيه لكى يستطيع أن يعود لتحمل أى آثار سلبيه نفسيه جديده .
_ فبيقف الإنسان حائرا بين الحرب والصراع الداخلى وبين تفاعله مع المجتمع الخارجى ومن وهنا تبدأ (مرحلة التوهان) .
_الشخص المصاب بمرض التوهان اول خطوه فى علاجه هو العصور على شخص يجد معاه الإمان والثقه المطلوبه لكى يسمح له بإعطاء الفرصه للبحث عن أسباب المرض وكيفيه علاجه وده بيكون فى صوره #طبيب_نفسى .
.
تعالو نشوف دور #الطيب_النفسى مع المريض .
.
_ لما تحب #تعالج انسان صح #أول_خطوه لازم تعملها مع أى مرض نفسى مش شرط التوهان فقط ، انك تبحث جيد جدا فى ظروف حياته واعرف ايه اللى بيمر به وادخل فى فواصل حياته ومثل نفسك مكانه وتخيل موقفك لو انت فى وضعه هيكون ايه ، اعتبر نفسك فى مسلسل وانت بتمثله وعايش فيه بكل جروحك وعقلك وقلبك واسمع له اوى وهو بيتكلم ماتستهونش بأى حرف بيخرج من لسانه ده خرج بصعوبة على فكره ، خليه يحس بالأمان وهو معاك ومش هيحس به إلا لما يحس منك انك حاسس به وانت مش هتقدر تحس به إلا لما تحط نفسك مكانه ولو لدقايق .
.
_ لو فتحلك قلبه إياك تخونه وتغدر به لأن دى أمانه وأى مريض نفسى صعب يدى أمانه لحد ويوم مايديك الأمان يبقى شاف فيك حاجه كبيرة اوى صعب يشوفها فى حد تانى يبقى سلملك نفسه ودى اول خطوه لازم تكون فى #الطبيب_النفسى انه بمهاره منه يكتسب ثقتك فيه وتحس معاه بالراحة والأمان وانت بتخرج كل طاقتك السلبيه المدفونة جواك فى وجوده .
#الطبيب_النفسى ،،

_خليك بقدر المستطاع حذر جدا فى انه يشعر ناحيتك بأى غدر او خيانه الأمانه لانك بكدا بتكسره وبتقضى عليه مبكرا وفى الحاله دى بيتحول أبسط مافيه إلى وسيله #إنتقام .
.
_ وانت بتتعامل معاه كن حريص جدا على مشاعره هو بين ايديك ذى لوح الزجاج ممكن تشكله وتزخرفه وتحوله لمظهر جميل ذو اهميه ولو استهترت به ممكن يتكسر ويضيع معناه الحقيقى وأول ماهينعكس بالجرح هتكون عليك انت أولا وقتها ماتحاولش انك تعدل منه أو تفكر تلحم بقايا الكسور لأنها عمرها ماهترجع ذى الأول .
.
_ لو نجح الطيب النفسى فى #أول_خطوه يبقى بكدا تخطى أصعب مرحله وهى معرفه سبب المرض وأنه اخد الثقه اللى المفروض يكتسبها علشان يستخدمها فى عرض #العلاج ، ماهو انا مش هسمع كلامك وانفذه وانا مش واثق فيك ولا مصدقك لازم الثقه والأمان تكون مكتسبه بين المريض والطبيب .
.
_ فى عرض العلاج لازم يكون فيه #دقه لأن أول خطوه فى العلاج هى #المواجهه .
لازم تعرض المريض على حالته خليه يقف أمام المرايا ويشوف نفسه ويلمس السبب بنفسه ودى بتكون مرحله فيها خطوه جدا على نفسيه المريض لأنك وانت بتوجهه بنفسه بيكون إسلوبك فيه نوع من أنواع الضغط النفسى عليه .
فكون حريص جدا فى التعامل وانت بتعرض العلاج لإنك بخطوه غير محسوبة أو حاله تسرع قد تعالج شىء وتصيب أشياء أخرى فى نفسيه المريض .
_تانى خطوه مهمه فى العلاج #الإقتناع ..
لازم اكون مقتنع بوجود الحاله النفسيه جوايا علشان اقدر أتقبل عرض العلاج .
_بنجاح الخطوات دى بنكون تخطينا أصعب مراحل المرض وهى معرفه السبب وتقبل طرق العلاج بنفس مطمئنة وبيكون نجحنا بنسبه 70% من علاج المرض وباقى 30% من خطوات العلاج اللى بتكون عباره عن جرعات إصرار وإرادة وقوة وذره من الأمل للستمرار فى الحياه ودى بتكون مهمه المريض وبمساعدة الطبيب فى التوجيه نحو الطريق المطلوب .
#ملاحظه_اخيرة ..
فى أشخاص كتير اوى عندها عقده من جمله مرض نفسى وفى اللى مابيعرفش يميز بين المرض النفسى والمرض العقلى ويقولك هو انا مجنون ؟؟
#بالمناسبه ،، كلنا مصابين نفسيا مافيش انسان خالى من التعب والانفعال الداخلى لأن الحياه مااستثنائتش حد من جرعات الضغط العصبى والنفسى ولكن بتختلف حسب نوع وأسباب وأعراض ونتائج المواقف المؤثرة والصدمات وبترجع حسب طبيعه الإنسان وقوة تحمله .
حتى الطبيب النفسى ،، مريض نفسى لكن الفرق اللى بينك وبينه انك وجدت اللى يفهم شخصيتك ويتعامل معاك على أساس راحتها لكن هو فى حاجه إلى من يفهم شخصيته ويستطيع إخراجه من الهالة المحيط بها .