شاعر الجنوب : ياسر محمد أيوب
وسكوت الطبيب حيرنى
ايه فيا انا يا طبيب طمنى
مشغول بالمكتوب ف الروشتة
جسمى مفهوش ولا حاجة سليمة حتى
ما تقولى يا طبيب ايه فيها الروشتة
قولى لو هموت حتى بدل ما الدمر
حتة بحتة كام طبيب جانى قبلك
وخبوا برضه اللى بتخبيه ف قلبك
قولى يا طبيب انا ارتاح قلبى لقلبك
اتلموا يا عيالى حواليا خليها اخر حاجة
تشوفكم عنيا انا اللى عشت ف دنيا
مش ليا مكسور من صغرى ما لقيت
حد حواليا حتى الضحكة كانت مش ليا
آه يا الوجع اللى فيا حتى الطبيب لما
جانى ضحك عليا وقال مفكش حاجة
يا غالى عليا مين يقولى ايه بس اللى
فيا وليه الدنيا جاية عليا آه يا نار بتكوى
فيا عايش عمرى كله دمعتى ف عنيا
ادور ع الحبايب ما الاقى اللى يسأل فيا
والله لو كان بأيديا من زمان كنت سبت
الدنيا ديا يمكن يكون فيها راحة ليا
ماتقول يا طبيب ايه اللى فيا
وبلاش تخبى عليا