الكنااااافة بحشوة التوفي وصوص الكراميل اللذيذ😋

مدة الاعداد 10 دقائق
مدة التسويه 20 دقيقه

المقادير .🌹
نص كيلو كنافة
كوب سمنة
2 ملعقة سكر حبيبات
توفي للحشو
صوص كراميل
السيرب ..
2 كوب سكر
كوب وربع مية
نص ليمونة

الطريقة 🌹

يضاف السكر و يخلط السمن بعد ذوبانها على الكنافة بعد تفكيكها من بعضها وليس تفتيتها .. مهم اوي عشان انا عاوزاها يكون شكلها مهندم ومتماسك ف النهاية ..
نجيب اى فنجان عندنا “فنجان قهوة او شاي “والحجم احنا اللى بنتحكم فيه الفنجان ده ح يكون القالب اللى ح نشكل بيه الكنافة بتاعتنا ..ناخد مقدار من الكنافة المخلوطة بالسمنة ونحطها جوه الفنجان ونضغط وبعدين نحط واحدة أو اتنين من اى نوع توفي متوفر عندك ويكون من النوع الطري وبعدين نحط مقدار تاني من الكنافة فوق الحشوة ونكبس جامد با يدينا الكنافة وبعدين ننزلها من الفنجان على الصينية اللى ح نرصها فيها .. ندخلها فرن سابق تسخينه على حرارة 180 درجة لمدة 20 دقيقة تقريبا .. نسقيها بسيرب دافي عند خروجها من الفرن و نسيبها تهدي شوية ونزينها بصوص الكراميل والمكسرات وبالف هنا ..
ملحوظة …
احنا ممكن نعمل اى حشوة احنا بنحبها مكان التوفي ..
والف هنا
مطبخ صحتين وعافيه