بالصور : نحن مع تطوير التعليم ولكن بدون فئران تجارب علشان كده مستوي التعليم عندنا صفر

كتب: رضا بدير
طلاب الصف الاول الثانوي أصابهم حالة من التوهان واليأس بسبب نظام فاشل
رسائل استغاثة من طلاب الصف الاول الثانوي وأولياء الأمور تستغيث بالدولة للتدخل السريع

التطوير الصحيح يبدأمن القاع الي القمة وليس العكس ياوزير التعليم

نقطة نظام فالجميع مخطئون !!!
————————————-
تابعت كما تابع الكثيرون ما آلت إليه الأمور بالأمس وحتي الساعات الاولي من صباح فجر اليوم الإربعاء.. بعد ٱعتراض طلاب الصف الأول الثانوي ووقفتهم الاحتجاجية على طريقة الامتحانات بواسطة التابلت وهنا لابد من القول
” الجميع مخطئون ” ولابد من نقطة نظام
أخطأت وزارة التربية والتعليم حينما تعجلت فى تطبيق منظومة لم يتم الاعداد الجيد لها سواء بإعداد المعلمين أو بإعداد البنية التحتية أو الطلاب أنفسهم والذين لم يتدربوا على طريقة الامتحان سوى مرة واحدة وخلالها سقط السيستم أيضا !!!
أخطأ الطلاب حينما لجأوا للتظاهر وهناك سبل أخرى لتوصيل وجهة نظرهم للمسؤولين سواء إعتراضا أو تعليقا على ما واجهوه !!!
أخطأ المسؤولون حينما لجأوا للشرطة للتعامل مع الطلاب الصغار والذين مازال أغلبهم دون سن الرشد ومع شديد الآسف ؟؟؟
المشكلة الحقيقية ليست الشرطة طرفا فيها لكنه تم إقحامها بدون داعى لتصبح القضية هى ” تعامل الشرطة بعنف مع أبنائنا من الطلاب ”
بالرغم من أن المشكلة الاساسيه ليس كذلك ؟؟

إذا لابد من نقطة نظام يستعيد فيها الكل مواقفه فعلى الوزارة ألا تستمر وتكابر فى تطبيق منظومة الطالب شريك فاعل فيها إلا بعد توفير تدريبات عملية كافية لكل من الطالب والمعلم للتعامل مع تلك المنظومة الجديدة وعلى الوزارة أن تقتنع بأن أسلوب الأمر الواقع لن يفيد مع جيل أصبحت مداركه أكثر واعيا وتفتحا فلابد من الاقناع والتدريب
على الطلاب أن يضعوا نصب أعينهم الايمان بسنة التطور وضرورة الاندماج فيه وبخاصة أنهم قبلوه فى معظم حياتهم فمن باب أولى بعد التدريب الكافى أن يقبلوه فى حياتهم الدراسية !!

وعلى الشرطة أن تنأى بنفسها عن هذه المشكلة لان أسلوب العنف والشدة مع هذا السن لن تجدى سوى مزيدا من الكراهية وغرس التمرد وعدم قبول بالامر الواقع !!
وكما ذكرت لابد من نقطة نظام لتعيد كل الاطراف حساباتها وتنظر للمصلحة العامة دونما التعصب لرأى أو فكر واحد قد ينزلق بنا الى مالا يحمد عقباه!!!
ويبقي سؤال لمصلحه من ماحدث بالأمس !!

إمتحانات اولي ثانوي نوع من أنواع الهمجية
والطلاب قد أصابهم حاله من التوهان واليأس بسبب نظام فاشل أن حدث مع الطلاب كالتالى

فى الترم الاول كان عندهم 13 ماده مقرر عليهم منهم
و 3 خارج المجموع بس لو نزلوا في ماده السنه كلها تروح عليهم وفجاءة وقبل الامتحانات باسبوعين
نزل قرار الامتحانات المواد اللى خارج المجموع ليس عليها درجات للتدريب فقط ..الطلاب اتجننوا طيب كانوا بيذاكروا ليه من الاول…
فى الترم التاني …. الوزير قال امتحان هيكون علي التاب المراقبين والطلاب راحوا والامتحان مجاش لان السيستم وقع وده كان فى امتحانات مارس
امتحانات مايو جربوا تانى و بعض الطلاب امتحنوا ورقى لان السيستم وقع تانى و ناس امتحنت تابلت و ناس امتحنت جزء ورقى و لما السيستم فتح امتحنوهم تابلت و ناس امتحنت تابلت و فصل منهم الامتحان فى النص و روحوهم ..
الوضع وصل لمرحلة من الجنون غير طبيعي والوزارة قالت يلاة ياكتاكيت خودوا الكود الماده وامتحنوا في البيت
اليومين اللى فاتوا الوزير قال امتحانات هتكون في مستوي الطالب المتوسط وسهل وجميل العيال فرحوا ..
لكن راحوا الامتحانات اسئله عمرهم ماشافوها
مادة الأحياء الطلاب كانوا بيعيطوا فى اللجان
وخرجوا في مظاهرة ضد وزير التربية والتعليم الجاهل افشل وزير تعليم في التاريخ، الشرطة ضربت فيهم و قبضت عليهم… دا بيحصل في الطلبة اللي معترضين اللى خايفين على مستقبلهم ..
رساله إلي من يهمه الامر لما أولادنا في أولي ثانوي يحصل معاهم كده…
وهما المفروض اللى هيعمروا البلد..
إحساسهم إيه وهما مسحوبين زي البلطجيه وبتوع المخدرات
دا غير ان أكثر من 20 مليون دولار تم إلقائها على الأرض دون أي فائدة .. ..
كان لازمته إيه التجريب على مدار عام كامل في طلاب أولى ثانوي…
صحيح اللي معاه قرش محيره يجيب حمام ويطيره وفى النهايه انتو بتدمروا جيل بالكامل وصحيح يعمل إيه التعليم فى وطن ضايع
وللاسف مصر لا يوجد فيها سياسة تعليمية
ما هي إلا تجارب فقط علي حسب دماغ سيادة الوزير
في كل الدول اللي فيها تعليم محترم الوزير بيكمل سياسة من سبقه وهذا سبب نجاحهم
لكن المبدأ عندنا انسف وأبدأ من الصفر
عشان كده مستوي التعليم في مصر صفر ….