أقلام القراءاخبار عاجلةكتاب و مقالات

انهض ولا تحزن فأنت في معية الله

بقلم الكاتب / أحمد عادل ” حفيد طه حسين “

_متخليش الخزن يسيطر عليكي ده عنوانا النهارده .
عندنا مصطلح في علم النفس اسمه ” جاذبيه الحزن “
اه الحزن ليه جاذبيه والله اقوى من جاذبية الارض نفسها يفضل يشد فيك لحد ما يكسرك وينتصر عليك
النبي صلي الله عليه وسلم كان ديما يقول ” اللهم اني اعوذ بك من حزن يوهن الجسد وهم يقطع عن العين رؤيه النعم والمدد ”
حزنك هيقطع صلتك بربنا وهيمنع رؤيتك لخيره ورحمته
هيخليك تشك في كل علاقه وهتكرهي حياتك
عارف …
الناس في الدنيا دي نوعين
*النوع الاول* _ اللي بيقدر يعدي بحزنه عادي وشايله علي كتفه بس مش مأثر علي حياته بيعرف يفصل عشان كده بيعيش ويمكن متسمعش عن حزنه عشان محبش يكون شكاء
و *النوع التاني* _الحزن طلع اقوي منه وهده وغلبه ووقف حياته عشان حزنه خلاص الحزن خد مكانه وانتصر عليه

طب ما كلنا عندنا احزان مفيش انسان في الدنيا اتولد سعيد
ربنا قال ” ولقد خلقنا الانسان في كبد ” صدق الله العظيم
يعني تعب ومهانه وحزن .

والعالم لامرتن ده يهودي قال مقوله عجبتني اوووي
قال كل ابن ادم حزين … سالوه ليه واتفاجئوا جدا برده
قلهم ” منذ ان خرجت قد ادم من الجنه فكتب الحزن والشقاء عي ولده ولن ينال السعاده احد الا حين يضع اول قدم له في الجنة لكن نتخفي جميعا وراء ستار يسمي السعاده ”
ياااه للدرجه
اه للدرجه هنفضل في حزن فمتعافرش تبقي سعيد عشان مش من حقك

في منحني عندنا في علم النفس اسمه *منحني الصدمات*
بيتكون من خمس بنود .
هشرحهملك بمثال صحصح معايا
بيقول ان اي حد بيمر بمشكله كبيره في حياته بيعدي نفسيا باربع مراحل
وبعدها مرحله تعافي
يعني كله كله كده خمس مراحل
” الانكار _ الغضب _ المساومة_ الاكتئاب _ التقبل ”

*الانكار*
اول ما بيجيلك مصيبه او مشكله في حياتك بتنكر ان ازاي حاجه زي كده تحصلك
يعني مثلا صحبتكواو صحبك اتكلم عنك كلام غلط في حقك طبيعي هتنكر ان ده حصل لانك مش متوقع منه كده

*الغضب*
وبعد ما يجيلك او دليل انه فعلا عمل كده هتزعل وهتوصل لمرحلة الغضب

*المساومة*
بعد كده هتمر بمرحله مصالحه مع نفسك ومساومه وهتطلب من نفسك انها تسامح وتقول ما يمكن عمل كده عشان انا زعلته.
انت بتبرررى عشان لسه باقي عليه دي اسمها المساومه بتساوم نفسك عشان شارى ومش عايز تحزن او مش بتحب الحزن

*الاكتئاب*
بس خلاص يا معلم هتحزن يعني هتحزن
هتمر بمرحله صعبه جدا وبتطول شويه وده لما تتاكدي ان فعلا ده حصل وان الشخص ده عمره ما حب وقالت الكلام ده فعلا في حقك عشان بيحقد عليك او بيكرهك او …او ..الخ
هتتعبي وتكتئبي وكل الكلام ده
ده المرحله الرابعه اسمها الاكتئاب

*التقبل*
نيجي لاخر مرحله اللي لو وصلنالها كده احنا اتعافينا وبقيت شخص سوي وسليم انك ازاي تقدر تنسي وقاحه الموقف وقذارة العالم او مش تنسي علي الاقل تعرف ازاي تتقبل سوء الموقف والعالم ده وتفكر بايجابيه وتتخط وتفكر في حياتك ده اسمه تقبل للحزن اه انا مش هنساه بس هدوس عليه عشان اكسره قبل ما يكسرني
ده اسمه التقبل
وفي مواقف كتير اووي اعرف بس ان اي حزن في حياتك لازم يمر بالخمس مراحل دول بس الشخص اللي عنده اراده هوا اللي هيقدر يعدي من المرحله الرابعه للخامسه.

وربنا ديما بيقولنا ” ولا تهنوا ولا تحزنوا وانتم الاعلون ” اه انت اعلي واقوي من الحزن بس فوق .
” انهض ولا تحزن في رعاية الله ” ?

اظهر المزيد
زر الذهاب إلى الأعلى