البرازق الشامية
الوصفه مقدمه من شيف /مني فوزي
كتب عهود ابراهيم
نائب مطبخ صحتين وعافيه
مدة الاعداد 10 دقايق
مدة التسويه 20 دقيقه
**مقاديرها** 🌹🌹
ربع كيلو زبدة
ربع كيلو سكر بودرة
نص كيلو دقيق
بياض بيضة
فانيليا
نص معلقة صغيرة بيكينج باودر
رشة ملح
سمسم
فسدق حسب الرغبة
**الطريقة**🌹🌹
الزبدة و السكر يتضربوا مع بعض لحد ما يبقى القوام كريمى
يضاف بياض البيض و الفانيليا
يضاف المواد الجافه مع التقليب بدون عجن
العجينة هتكون سايبه شوية
هتدخل التلاجه لمده ساعه
بعد ما تخرج من التلاجه هتلاقى القوام بقى مزبوط هتشكلي العجين على شكل كورة و تفرديها فى السمسم و الفسدق و تتخبز على حرارة 180 و تابعيها لحد ما تستوى..
***نصايح***🌹🌹
*الزبدة بدرجة حرارة الغرفه.
*السكر فى الوصفه دى بودرة ناعم
*بعد أضافه الدقيق يتقلب العجين بمعلقة خشب ممنوع العجن باليد نهائى عشان تضمنى انها تبقى خفيفة و مقرمشه لانك لو عجنتى بايدك هتحفزى الجلوتين إللى فى الدقيق و العجين يبقى بيمط و كده يبقى باظ خلاص
*مش هننسى طبعا ذكر الله و يا رب دايما تعيشوا و تفرحوا إللى بتحبوهم باكلاتكم الحلوة ❤❤❤
مطبخ صحتين وعافيه