متابعة – محمود الهندي
لينا شهيد في الجنة
لسه واصل
حور عين صفين
ملايكة مسبحين
انتوا مين وفين
وضميركم بدم بارد
شهيد دمه ساجد
عند ربه المستقر
انتم معسكر شر
وانتوا ضالين
رايحين فين
شايفين يا شهيد
العلم نزل من الساري
وحضن بالوطن كفنك
وبات في حضن المكلومة امك
والكل ناطق بالحق اسمك
لا اله الا الله
والشهيد حبيب الله
دموع رسمت الحرقة
وسواد طاغى للنظرة
وابنك في حضن ارملتك
يشاور لطيف هايم
ابوك قلبه تايه من الصدمة
وامك بفراقك مش قابلة
لكنها صابرة
ودموعها واهاتها وصراخها
تشق الفضا
والسما شاهدة
وفي الملكوت صدى
ايات رحمة وترتيل
وعلى الشباب حسرة
بنور الحياة راسمين
املنا كبير في بكره
ومش ناسيين
وثأر حفظين
ودماكم مش ذكري
رسالة للملايين
شهداء كتير جايين
لمصر بلدهم حاميين
ومش عجبي
ومش ذنبي
اموت وانا الحياة قدامي
وعايز احقق احلامي
لكن قدري افديكي
يامصر
وافدي اهلى وولادي
ومين فيكم باقي
غير الذكرى
وحبي ليك
ي
يامصر
دايم كما التاريخ
وكما الهرم والنيل
انا شهيدك في الجنة .