كتب دكتور – فوزي الحبال
الدكتور عمر عبد الكافي بيقول إنه كان في يوم بيُخطب الجُمعه ، وبعد الصلاة ، جاله راجل مربي دقنه وشعره ، ومدهول علي الآخر واضح انه مش مُهتم بروحه نهائي ،بيقوله يا مولانا انا كسول بنام كتير ، يدوبك اصحى آكل لقمه وانام تاني ، شغلي مُهمل فيه ومستقبلي ، وكل حاجة،عيالي بيحسوني غريب عنهم ،عندي قلة همة وإحباط غير عادي ،أعمل ايه دلني الله لا يسيئك ؟
الدكتور عُمر قاله إستغفر في اليوم 100مره , ودا على الأقل , وتعلالي بعد اسبوع وقولي إيه النتيجه ,قاله بقولك كسول وبنام 15ساعه في اليوم ومُهمل في الصلاه وفي اولادي وشغلي وتقولي استغفر ! قالي يا ابني احنا لحم ودم ,بشر , مُعرضين اننا نعصي ربنا ونعمل ذنوب , والذنوب بتثقل الجسم وتهد الحيل وتقلل العزيمه والهمه من القلب وتعلم الكسل والتُقل ، إسمع مني بس وهتنبهر من النتيجة .بعد 6 ايام الراجل راح للدكتور عُمر ,فضل يقوله لازم أبوس إيدك !أنا بقيت أستغفر 100مره وأكتر في اليوم وساعات 400 مره وساعات 1000مره في اليوم .
ربنا زي ما يكون حدف في قلبي النشاط والهمه ، بقيت أنام اقل من 7ساعات وأشبع فيهم من النوم , أسعى لشغلي بكل نشاط وإتفقت على شراكه جديده ومضيت العقد في أقل من 4 أيام ! الإستغفار دا عامل زي الحبوب المُنشطه، شُحنه كهربيه ! بنزين يشغل الواحد ويحركه ! الإستغفار يشبه الإيد اللي بتزُق الواحد لقدام ،قوة من عند ربنا بتقوي وتشد وزي ما الشمسيه بتحمي من الشمس والمطره الاستغفار,هو الإيد اللي بتضلل عليك وتحميك من اي حاجه صعبه جايه في علم الغيب .
سيدنا عمر بيقول “لو نزلت صاعقه من السماء ما أصابت مُستغفر ” .
إستخبى بالإستغفار من أي فشل ،جرح ،خيبة أمل محنه ، مرض أي حاجه قلقاك .
النبي كان بيستغفر في القعده الواحدة أكتر من 70 مره !
إتحامى في ربنا من مصايب القدربالإستغفار .
علماء المسلمين إتفقوا إن الإستغفار بيسبب التوفيق في كل شيء لصاحبه .
ويا بخت اللي يقول “أستغفر الله” بسببك ليك اضعاف ثوابه في الرزق والحسنات لإنك إنت اللي دليته على الخير ! وابن كثير بيقول ﻭﻣﻦ إﺗﺼﻒ بصفة الإﺳﺘﻐﻔﺎﺭ ، ﻳﺴﺮ ﺍﻟﻠﻪ ﻋﻠﻴﻪ ﺭﺯﻗﻪ ، ﻭﺳﻬَّﻞ ﻋﻠﻴﻪ ﺃﻣﺮَﻩ ، ﻭﺣﻔﻆ ﻋﻠﻴﻪ ﺷﺄﻧﻪ ﻭﻗﻮﺗﻪ وماله وأولاده وأهله . الإستغفار هو رحمة الله لك و علاج الكسل والاحباط و استغفر الله العظيم وأتوب اليه ،لا اله الا انت سبحانك اني كنت من الظالمين.