كتب : د طارق محمود
والله العظيم انا اتكلمت فى الموضوع دة قبل كدة وبدل المرة مرتين ووجهت كﻻمى لمحافظ أسوان ولكن للأسف ﻻحياة لمن تنادي وكأننا من بلد والمسؤلين فى بلد تانى . وعايز اقول ان بعض الاهالى أشكو مرارا و تكراراً للمسؤلين بالمحافظة وآخر ماغلبو لجؤ إلينا كاعﻻم عشان نوصل صوتهم لرئيس مجلس الوزراء. والمشكلة تتخلص فى وجود مصنعين بأسوان الأول مصنع كيما و التانى مصنع الكوكاكوﻻ طب حد يسئلنى ويقوللى ايه المشكلة؟ المشكلة ياسادة ان المصنعين دول بيرمو مخلفاتهم فى النيل عﻻوة على كدة الريحة اللى بتسببها المخلفات دى . لكن المصيبة الأكبر تلوث مياه النيل وعلى فكرة انتشار فيروس c حتﻻقوه بكثافة فى الصعيد وخاصة في أسوان واوعو تفكروا يامسؤلين أن احنا هنا في القاهرة يعنى فى أمان ﻻء ﻻزم تعرفو أن مياه النيل دى بتجلنا هنا في القاهرة وبتروح كل المحافظات يعنى المصيبة حتجيلنا حتجيلنا و عشان كدة ﻻزم نعالج الوباء من المنبع ووزارة البيئية توفق أوضاع هذين المصنعين حتى نتجنب مصيبة لكل المصريين عشان كدة أوجه كﻻمى للسيد رئيس الوزراء للتدخل ﻻنقاذ المصريين من المصيبة القادمة. والوقاية خير من العﻻج مش كدة وﻻ ايه ويجعله عامر