يعنى ايه لسه القيامة.

يعنى ايه لسه القيامة.

مشاهدة
أخر تحديث : الأربعاء 30 أكتوبر 2019 - 10:16 مساءً
يعنى ايه لسه القيامة.

بقلم.اسامه توغان

يعنى ايه لسه القيامة يا ميت ندامة
هو لازم يعنى ليك كل يوم ييجى ميت علامة
طب خد وعد وياريت معانا فى يوم تسد
لما تشوف وكمان هاتعرف تعرف انى عندى حق
مستنى منك اى رد ولا هاتدفن برضه راسك فى التراب زى النعامة
طب قول على الدنيا السلامة وخد علامات القيامة
لما اخ يبص لاخته فى يوم ماشوفته
ده يبقى عادى
ولا اب يبقى جوز حتى لبنته والكل راضى
ده يبقى عادى
طب لما ام ويا خال او حتى عم مش يبقى هم
ياميت ندم على البنا اللى اتهدم
وتحت انقاضه مليون فضيلة بتتردم
طب لما دينك واللى عالى فوق جبينك يبقى الجنيه
ده يبقى ايه
ولما تنسى كلام نبيك وترضى وتسلم عدوك كل ارضك بين ايديه
ده يبقى ايه
ولما بتسامح عدوك انه سبك وانه ظلمك وانه داس برجله دمك وانه دنس حتى ارضك شرفك وعرضك
ده يبقى ايه
عامتا ماالذنب ذنبك مش انت فضلت الجنيه وجريت عليه. ولا ايه
طب لما كلمة واحدة بس تتعب سيادتك
من اللى شالك واللى حطك واللى جلده غطى جلدك يوم ماحضنك ابوك وامك.ثم امك ثم امك ثم امك
هى كلمة ليه جاوبنى بتزيد فى همك وتغيب ملامحك
الله ياشيخ فى يوم لا سامحك لو كنت يوم راح تنسى رحمك واللى رحمك
مين اللى هامك ابوك وامك ولا نفسك
يااخى قطع نفسك ويخفى حسك يوم ماعرفت تهين فى اهلك وتعلى صوتك وتشم نفسك على اللى كان سبب فى خلقك وبفضله رب الكون ده رحمك
ارجع لربك وعز نفسك فى الطاعة ليهم بتزيد محاسنك ويعلى قدرك
ارجع لربك وتوب اليه قبل النهاية هى لحظة بين حياتك والمنايا
خللى السلام وحسن الختام ويبقى طريقك للسلامة
والله لحظة هى بينك والقيامة

رابط مختصر