باب صحتين وعافيةللطبخ أسرار

ممبار بوبس بطريقة صحية جدا ني في ني

مقدم من شيف / ريرى كريم

كتب عهود ابراهيم
نائب مطبخ صحتين وعافيه

مدة الاعداد 20 دقيقه
مدة الطهي 30 دقيقه

المقادير👇
كيلو ممبار متنضف ومتصفي من المية نهائيا
كيلو ارز مصري مغسول ومتصفي
كيلو ونصف طماطم نصفها مبشور والنصف الاخر متقطع مربعات صغيرة
5 بصلات مبشورين
خضرة مشكلة
حزمتين من الشبت حزمتين من الكزبرة حزمة من البقدونس
البهارات
ملعقة كبيرة ملح
فلفل اسمر
ملعقة كبيرة كمون
ملعقة صغيرة قرفة
نصف ملعقة صغيرة زنجبيل
2 ملعقة كبيرة نعناع جاف ناعم
ملعقة صغيرة بابريكا ملعقة صغيرة حبهان مطحون
شطة
حبة فلفل اخضر واحمر او رومي
كوب الا ربع زيت ويستحسن زيت ذرة اوعباد شمس
10 فصوص ثوم مفروم
10 ملاعق صلصة
خيط لربط الممبار السواريه

الطريقة 👇

في بولة عميقة نضع البصل المبشور والثوم المهروس وعليه التوابل كلها وندعكهم بايدينا جيدا جدا نضيف الطماطم المبشورة والمربعات الصغيرة ونضيف الارز المتصفي تماما من ميته ونضيف الخضرة المقطعة ناعم جدا والنعناع الجاف ونقلب كله مع بعضه نضيف الصلصة والزيدة ونخلط المكونات ونظبط الملح تماما كدا جهزين للحشو
نحشي الممبار بس بشرط اننا مانملهوش عشان مايفرقعش في السلق بمعني وانتي وبتحشي بططيه علي صينيه مفرودة عشان لو في حشو زيادة يخرج وبكدا ضمنتي عملية الحشو طبعا هتقطعيه الاول الطول المناسب ليكي وبعد كدا تحشي وتبططي وتركني علي جمب في بولة الي ان تنتهي من الكمية

الممبار السواريه

هنحشي ونبطط وكل كام عقلة نربط بخيط وكل دا وانتي ساندة الممبار علي البلانشة او صينية اتضمني نضافة المكان حواليكي
نسلقه في ميه مغلية جدا من غير ملح عشان مايشدش معاكي ويستوي بسرعة نضيف حبهان وورق لاورا وقشر الطماطم اللي بشرناها وبصلة متقطعة وفلفل اسمر وممكن تشكي بخلة كام شكة كدا للممبار هو كدا كدا مش هايفرقع في الحشو
في الاول النار عالية وبعد 5 دقائق نهدي شوية ونتركه الي ينضج
بعد النضج نخرجه في مصفي يتصفي ويبرد وبعد كدا نحمره في زيت وزبدة اوسمن
ويقدم علي فرشة من البقدونس ويرش عليه قليل من الملح والفلفل الاسمر والكمون
وبالف هنا
مطبخ صحتين وعافيه

اظهر المزيد
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock